Jisamu 14:1-7
Kuli mukulwane wavaka-kwimba. Samu yaNdavichi.
14 Vileya* veji kwambanga mumichima yavo ngwavo:“Kakwatwama Yehovako.”+Vilinga vyavo vinapu vyakuhenga, vyaunyengwe.Naumwe wauchi ali nakulinga vyuma vyamwaza.+
2 Oloze Yehova uze atwama mwilu eji kutalanga vana vavatu hamavu,Mangana amone numba nge hali umwe anangakana chipwe uze ali nakutondatonda Yehova.+
3 Vosena vanapyapumuka+Vosena vali navilinga vyavipi.Naumwe wauchi ali nakulinga vyuma vyamwaza,Kakweshi numba umweko.
4 Kutala vaka-kulinga mwamupi vakwechi chinyingi tahi?Veji kulyanga vatu jami kwijiva nge vali nakulya vyakulya.Kaveshi kusanyika Yehovako.
5 Oloze navakevwa woma waunene,+Mwomwo Yehova ali nachisemunwino chavaka-kwoloka.
6 Enu vaka-kulinga mwamupi mweji kufwilanga kuluwanganyisa vyuma najinyi muka-kukalikiza,Oloze Yehova ikiye uchinyino wenyi.+
7 Ulwilo waIsalele kachi ufume kuZeyone.+Omu Yehova mwakakungulula vatu jenyi vali muufunge,Yakova akawahilile, kaha Isalele akalisambe.
Kwinyikila Chamwishi
^ Chipwe “Vatu vakuhona mangana.”