Jisamu 140:1-13
Kuli mukulwane wavaka-kwimba. Samu yaNdavichi.
140 Ove Yehova, ngupululule kuvatu vavapi.Ngukinge kuvatu vaulyanyi,+
2 Vaze veji kujinanga vyuma vyavipi mumichima yavo,+Vaze veji kusangumunanga vikokojola lwola lwosena.
3 Veji kuhotolanga malimi avo nge manoka.+Kumivumbo yavo kuli ulembe waviyenge.+ (Sela)
4 Ove Yehova, ngukinge kuli vaka-kuhuka.+Ngukinge kuvatu vaulyanyi,Vaze veji kujinanga ngwavo vangusendule.
5 Vaka-kulipambula veji kungutelanga muheto wakusweka.Veji kutanga lyoji lyamikole kukulo yajila.+Veji kungutelanga miheto.+ (Sela)
6 Ngweji kwambanga kuli Yehova ngwami: “Ove yove Kalunga kami.Ove Yehova, ivwilila kukulembelela chami ngunakulembelela ungukafwe.”+
7 Ove Mwata Wakulitulaho Yehova, ove Mulwilo wami wangolo,Weji kukinganga mutwe wami halikumbi lyajita.+
8 Ove Yehova, vaka-kuhuka kanda nauvahana vyuma vanafwilako.Kanda nawitavisa vyuma vanajinyi vifukileko, kuchina navalizezula helu.+ (Sela)
9 Mitwe yavaze vanangujingilikaVayifwike naupi uze vanahanjikanga namivumbo yavo.+
10 Makala akakahya avahingunukile.+Vavambile mukakahya,Vavambile mumena amasuku*+ mangana vakazeneke kufumamo.
11 Vaka-lusongi kanda navapwa hano hamavuko.*+Upi uhangasane vatu vaulyanyi nakuvajiha.
12 Ngunatachikiza ngwami Yehova mwahakwila vaka-kukalikiza,Mwayulilako vaka-kuhutwa.+
13 Vaka-kwoloka navalisanga lijina lyove.Vaka-kusungama navatwamanga kumeso ove.+
