Jisamu 145:1-21
Mwaso wakwalisa. Samu yaNdavichi.
א [Aleph]
145 Ove Kalunga kami, ove Mwangana, nangukutohwesanga,+Nangwalisanga lijina lyove haya myaka namyaka.+
ב [Beth]
2 Nangukwalisanga lwola lwosena.+Nangwalisanga lijina lyove haya myaka namyaka.+
ג [Gimel]
3 Yehova apwa wamunene, kaha atamo kumwalisa.+Unene wenyi kaveshi kuhasa kuuhehwojolako.*+
ד [Daleth]
4 Vatu navalisanga milimo yove hachisemunwino hichisemunwino.Navambululanga milimo yove yangolo.+
ה [He]
5 Navahanjikanga haukelenga naluvaji lwove.+Nangushinganyekanga hamilimo yove yakukomwesa.
ו [Waw]
6 Vatu navahanjikanga hamilimo* yove yakwivwisa woma.Kaha ami nanguvilikanga unene wove.
ז [Zayin]
7 Navahanjikanga omu navanuka kuwaha chove chachinene,+Navatwanga jingunda mwomwo yakwoloka chove.+
ח [Heth]
8 Yehova apwa wakutetela,* wakeke,+Wakushipwokela kukwata utenu, wazangi yakwilila.+
ט [Teth]
9 Yehova apwa wamwaza kuvyuma vyakuyoya vyosena,+Keke yenyi yasoloka hatoma mumilimo yenyi yosena.
י [Yod]
10 Ove Yehova, milimo yove yosena nayikutohwesanga,+Vatu jove vakushishika navakwalisanga.+
כ [Kaph]
11 Navavilikanga upahu wawangana wove,+Navahanjikanga vyangolo jove,+
ל [Lamed]
12 Mangana vajimbwile vatu milimo yove yangolo+Naukelenga wawangana wove.+
מ [Mem]
13 Wangana wove wapwa wahaya myaka yosena,Wata wove kuwatwama kuvisemunwino vyosena.+
ס [Samekh]
14 Yehova eji kukwachililanga vosena vaze vali nakulimbuka,+Eji kwololanga vosena vaze vanazembama.+
ע [Ayin]
15 Vyuma vyakuyoya vyosena vyeji kutalanga kuli ove,Weji kuvihananga vyakulya halwola lwakutamo.+
פ [Pe]
16 Weji kukamununanga mulivoko lyoveNakwikuchisa vyuma vyakuyoya vyosena.+
צ [Tsade]
17 Yehova apwa wakwoloka mujijila jenyi josena,+Apwa wakushishika muvyuma vyosena eji kulinganga.+
ק [Qoph]
18 Yehova atwama hakamwihi navosena vaze veji kumusanyikanga,+Navosena vaze veji kumusanyikanga mwamuchano.*+
ר [Resh]
19 Vaze vamwivwa woma eji kuvahananga vyuma vasaka.+Eji kwivwanga tuwelele twavo, kaha eji kuvapulululanga.+
ש [Shin]
20 Yehova eji kulamanga vosena vaze vamuzanga,+Oloze mwakanongesa vaka-kuhuka vosena.+
ת [Taw]
21 Kanwa kami nakavilikanga vyuma vyakwalisa Yehova.+Vyuma vyakuyoya vyosena* vyalisenga lijina lyenyi lyajila haya myaka namyaka.+
Kwinyikila Chamwishi
^ Chipwe “Unene wenyi waukalu kuutachikiza omu walumbunukila.”
^ Chipwe “hangolo.”
^ Chipwe “wakukokweza.”
^ Chipwe “namuchima wosena.”
^ Hepe., “Vakwechi mijimba vosena.”
