Jisamu 146:1-10
146 Mwalisenunga Ya.*+
Nangwalisanga Yehova.+
2 Nangwalisanga Yehova mukuyoya chami chosena.Nangwimbilanga Kalunga kami myaso shimbu nguchili nguwamutonyi.
3 Kanda namufwelela vilolo,*Chipwe muli mwanamutu uze keshi kuhasa kumilwilako.+
4 Shipilitu* yenyi yeji kulovokanga, kaha eji kukindulukanga kumavu.+Vishinganyeka vyenyi vyeji kunonganga halikumbi vene lize.+
5 Awahilila mutu uze veji kukafwanga kuli Kalunga kaYakova,+Uze atalilila muli Yehova Kalunga kenyi,+
6 Ou atengele melu namavu,Nakalungalwiji navyuma vyosena vyatwamamo,+Ou apwa lika wakushishika,+
7 Ou eji kulinganga mwachiyulo kuli vaze vali nakulyapula kuvakwavo,Ou eji kuhananga vyakulya kuli vaze vali nazala.+Yehova eji kusokolanga vafunge.*+
8 Yehova eji kutonesanga meso atupuputa.+Yehova eji kwandulanga vaze vanazembama.+Yehova azanga vatu vakwoloka.
9 Yehova eji kukinganga vamwiza.Eji kuzakamanga vana vakuzeneka masevo navatuliwe,+Oloze eji kuhonesanga vyuma navajina vaka-kuhuka.*+
10 Yehova mwapwanga Mwangana haya myaka yosena,+Ove Zeyone, Kalunga kove mwapwanga Mwangana hachisemunwino hichisemunwino.Mwalisenunga Ya.*
Kwinyikila Chamwishi
^ Chipwe “Haleluya!” “Ya” hilijina lyaYehova mukavatu.
^ Chipwe “namufwelela vatu vavalemu.”
^ Chipwe “Kuhwima.”
^ Hepe., “vaze vakasa.”
^ Chipwe “eji kuhengesanga jila yavaka-kuhuka.”
^ Chipwe “Haleluya!” “Ya” hilijina lyaYehova mukavatu.
