Jisamu 147:1-20
147 Mwalisenunga Ya.*Chapwa chamwaza kwimbila Kalunga ketu myaso.Chapwa chamwaza kaha nawa chakutamo kumwalisa.+
2 Yehova ali nakutunga Yelusalema.+Ali nakukungulula vaIsalele vaze vanamwange.+
3 Eji kuhindulanga vaze vali nakulyonyinga mumichima.Eji kukasanga hajimbandu javo.
4 Eji kulavanga vatanganyika.Eji kuvavulukanga vosena halijina halijina.+
5 Mwata wetu apwa wamunene, wangolo chikuma.+Kunangakana chenyi chajindama chikuma.+
6 Yehova eji kukatulanga vatu vavavwovu,+Oloze eji kumbilanga vaka-kuhuka hamavu.
7 Mwimbilenu Yehova oku muli nakumusakwilila.Mwimbilenu Kalunga ketu myaso nakalyalya,
8 Ou eji kufwikanga lilu namavwi,Ou eji kunokesanga vula hamavu,+Ou eji kusokesanga mwila hajipili.+
9 Eji kuhananga vyakulya tunyama,+Navana vamakololo vaze veji kuvisakanga.+
10 Keshi kwivwila kuwaha ngolo jakavaluko,+Chipwe kukomoka mahinji amutu angoloko.+
11 Yehova eji kwivwilanga kuwaha vaze vamwivwa woma,+Vaze veji kufwelelanga muzangi yenyi yakwilila.+
12 Ove Yelusalema, tohwesa Yehova.Ove Zeyone, alisa Kalunga kove.
13 Eji kulingisanga tupachiso twanganda yove tupwenga twakukola.Eji kukisulanga vana vove vali muli ove.
14 Eji kunehanga kuunda mungalila yove.+Eji kukuhananga tiliku yamwaza chikuma.*+
15 Eji kuhananga mavu lushimbi.Mazu enyi eji kulahanga washiwashi.
16 Eji kufwikanga hamavu hosena nameya akulikonda kwijiva nge nafwikiho lihina litoma.+Eji kusandanga meya akulikonda kwijiva nge uto.+
17 Eji kuhololanga malolwa avula kwijiva nge vihanda vyambolo.+Iya nahase kumika kuchishika chenyi?+
18 Eji kutumanga mazu enyi, kaha malolwa avula hinawayengunuka.Eji kuhuhwisanga peho,+ kaha meya hinawahita.
19 Eji kuvilikanga mazu enyi kuli Yakova,Eji kuvilikanga jindongi jenyi namazu enyi akuyula kuli Isalele.+
20 Omu keshi mukiko nalingi kuli vaka-mafuchi ekako.+Vatu kana kavatachikiza mazu enyi akuyulako.Mwalisenunga Ya.*+
Kwinyikila Chamwishi
^ Chipwe “Haleluya!” “Ya” hilijina lyaYehova mukavatu.
^ Hepe., “yakununa.”
^ Chipwe “Haleluya!” “Ya” hilijina lyaYehova mukavatu.