Jisamu 148:1-14
148 Mwalisenunga Ya.*Enu mwatwama mwilu, mwalisenunga Yehova.+Enu mwatwama mumelu, mwalisenunga.
2 Enu vangelo jenyi muvosena, mwalisenunga.+Enu liyongomena lyenyi muvosena, mwalisenunga.+
3 Ove likumbi nayove kakweji, mwalisenunga.Enu vatanganyika vakumunyika muvosena, mwalisenunga.+
4 Enu melu ahelu,* mwalisenunga,Nayenu meya amumelu.
5 Vyuma kana vyalisenga lijina lyaYehova,Mwomwo ahanyine lushimbi, kaha vavitengele.+
6 Avizamisa vipwengangako haya myaka namyaka,+Navihane lushimbi luze kalweshi kukakumako.+
7 Mwalisenunga Yehova enu mwatwama hamavu,Enu tunyama vavanene vamutulungalwiji nayenu tujinga muvosena,
8 Enu miveso navula yamalolwa, enu mbundu namavwi elava chikuma,Ove peho yanyamanganda, ove weji kulinganga mwaya mazu enyi,+
9 Enu jipili jajinene nayenu jipili jajindende muvosena,+Enu mitondo yamihako nayenu mishitale muvosena,+
10 Enu tunyama vamuchipapa+ nayenu vimuna muvosena,Enu vyuma vyakuhalala hamavu nayenu tujila vakwechi mavava,
11 Enu vamyangana vahamavu nayenu vaka-mafuchi eka muvosena,Enu vilolo nayenu vaka-kuyula vahamavu muvosena,+
12 Enu vakweze jamalunga nayenu vana vamapwevo,*Enu vakulwane nayenu vanyike muvosena.
13 Valisenga lijina lyaYehova,Mwomwo lijina lyenyi kaha likiko lyazezuka helu chikuma.+Ukelenga wenyi watwama helu lyamelu namavu.+
14 Mwazezula ngolo* javatu jenyi,Mangana valise vatu jenyi vakushishika,Vana vaIsalele, vatu vaze vapandama kuli ikiye.Mwalisenunga Ya.*
Kwinyikila Chamwishi
^ Chipwe “Haleluya!” “Ya” hilijina lyaYehova mukavatu.
^ Hepe., “melu amelu.”
^ Hepe., “nayenu mapwevo vaze kanda valisavaleho lyehi namalunga.”
^ Hepe., “lumbinga.”
^ Chipwe “Haleluya!” “Ya” hilijina lyaYehova mukavatu.