Jisamu 149:1-9
149 Mwalisenunga Ya.*Mwimbilenunga Yehova mwaso wauhya.+Mwalishilenunga muchikungulwilo chavatu jenyi vakushishika.+
2 VaIsalele vawahililenga muli Ou Wamunene avatengele.+Vana vaZeyone valisambile muli Mwangana wavo.
3 Valisenga lijina lyenyi oku vali nakukina,+Vamwimbilenga nakangoma nakalyalya.+
4 Mwomwo Yehova eji kwivwilanga kuwaha vatu jenyi.+Eji kuwahisanga vatu vavavwovu hakuvalwila.+
5 Vatu vakushishika valisambe muupahu.Vatwenga jingunda hatuhela twavo.+
6 Tunwa twavo twimbenga myaso yakwalisa Kalunga,Vakwate jipoko jamikwale jauvela kuvali,
7 Mangana valinge sambanjinga kuli vaka-mafuchi eka,Vazangamise vatu veka naveka,
8 Mangana vakase vamyangana javo malenge,Vakase vatu javo vavalemu mujikuli jafwelu,
9 Mangana vavasopese nge kutesa nomu vasoneka.+Kavumbi kana katela vatu vakushishika vosena.Mwalisenunga Ya.*
Kwinyikila Chamwishi
^ Chipwe “Haleluya!” “Ya” hilijina lyaYehova mukavatu.
^ Chipwe “Haleluya!” “Ya” hilijina lyaYehova mukavatu.
