Jisamu 16:1-11
Mikitame* yaNdavichi.
16 Ove Kalunga, ngukinge, mwomwo ngunachinyina muli ove.+
2 Ngunambe kuli Yehova ngwami: “Ove yove Yehova, kuwaha chami chafuma kuli ove.
3 Kaha vaka-kujila vahamavu,Vatu vavalemu, veji kungwivwisanga kuwaha chikuma.”+
4 Vaze veji kulemesanga tulunga veka veji kulivulishilanga vyuma vyakuvanehela chinyengo.+Ami kangweshi kukazana mukuhana wana wavo wavinyo vyakufutula namanyingako,Kaha nawa mivumbo yami kayeshi kukavuluka majina atulunga twavoko.+
5 Yehova ikiye chazano chami vananguhane,+ ikiye lupasa lwami.+Ikiye eji kulamanga uswana wami.
6 Vanangupulila chihela chamwaza.Ngunasuuluka nauswana wami.+
7 Nangwalisa Yehova uze nangulweze mangana.+Vishinganyeka vyami* vyeji kungwololanga numba vene naufuku.+
8 Ngweji kuhakanga Yehova kumeso ami makumbi osena.+Kaveshi kukangunyikisako* mwomwo ali kulivoko lyami lyachilyo.+
9 Shikaho muchima wami weji kuwahililanga, kaha ngweji kulisambanga.Ngweji kupwanga* wakukingiwa.
10 Mwomwo kaweshi kukanguseza* muFukako.*+Kaweshi kukechelela ou wove wakushishika akapole muwinako.+
11 Weji kungulwezanga jila yakuyoya.+Ngweji kuwahililanga chikuma nge nguli kumeso ove.+Kupwa kulivoko lyove lyachilyo cheji kungwivwisanga kuwaha haya myaka yosena.
Kwinyikila Chamwishi
^ Tala Mukana waMazu.
^ Hepe., “Jiso jami.”
^ Chipwe “Kangweshi kukapelyangilako.”
^ Chipwe “Mujimba wami wapwa.”
^ Chipwe “kukaseza mwono wami.”
^ Chipwe “muSheyole,” kulumbununa fuka yavatu vosena. Tala Mukana waMazu.