Jisamu 2:1-12
2 Mwomwo ika vaka-mafuchi vanazungumukila
Novyo vatu veka naveka vali nakunyinyita* havyuma vyamokomoko?+
2 Vamyangana vahamavu vanemana,Kaha vilolo vanalikungulwila hamwe,*+Mangana vafumbukile Yehova nayou wenyi awavisa.*+
3 Vali nakwamba ngwavo: “Tuvatulenu malenge avo,Tumbilenu mikole yavo.”
4 Ou atwama halitanda mwilu mwakavaseha.Yehova mwakavahenda.
5 Halwola kana mwakahanjika kuli vakiko namatoto,Mwakavevwisa woma mwomwo yamatoto enyi amanene,
6 Mwakamba ngwenyi: “Ami ngunahake mwangana wami+HaZeyone,+ pili yami yajila.”
7 Manenu nguhanjike lushimbi lwaYehova.Nambe kuli ami ngwenyi: “Ove umwanami,+Likumbi lyalelo ami ngunapu nguiso.+
8 Ngulombe, kaha nangukuhana vaka-mafuchi kupwa uswana woveNakukuhana nawa mavu osena kupwa luheto lwove.+
9 Naukavahokwojola nambwechi yafwelu,+Naukavachika chikichiki nge chitenga chauma.”+
10 Shikaho, enu vamyangana, nangakanenu.Enu vaka-kuyula vahamavu, itavilenu vamyolole.*
11 Zachilenunga Yehova nawoma,Kaha wahililenu nakuchikima.
12 Vumbikenu* mwana,+ kuchina Kalunga mwapihilila,Kaha namunonga nakufuma mujila,+Mwomwo eji kukwatanga washi matoto.Vawahilila vaze veji kuchinyinanga muli ikiye.
Kwinyikila Chamwishi
^ Chipwe “nakushinganyeka.”
^ Chipwe “vanatwame punga.”
^ Chipwe “naKulishitu yenyi.”
^ Chipwe “itavilenu vamihuhumune.”
^ Hepe., “Sweswenyenu.”
