Jisamu 21:1-13
Kuli mukulwane wavaka-kwimba. Samu yaNdavichi.
21 Ove Yehova, mwangana eji kuwahililanga mwomwo yangolo jove,+Eji kuwahililanga chikuma mwomwo yavilinga vyove vyaulwilo.+
2 Unamuhane vyuma wafwila muchima wenyi,+Kawamuminyine vyuma nalombo namivumbo yenyiko. (Sela)
3 Mwomwo unamukisula mwamunene,Unamuvwiki muchama waulu wamwaza kumutwe wenyi.+
4 Akulombele umuhane kuyoya, kaha wamuhanyinecho,+Wamuhanyine myaka yayivulu yakuyoya,* kuyoya chahaya myaka namyaka.
5 Vilinga vyove vyaulwilo vyeji kumunehelanga upahu waunene,+Unamuhane kavumbi naluvaji.
6 Unamulingisa vamukisule haya myaka yosena,+Weji kumulingisanga awahilile chikuma mwomwo yakupwa naikiye.+
7 Mwomwo mwangana afwelela Yehova,+Kaveshi kukamunyikisako* mwomwo yazangi yakwilila yauze Wakulitulaho Chikuma.+
8 Livoko lyove nalikwata vaka-kole jove vosena,Livoko lyove lyachilyo nalikwata vaze vakuhunga.
9 Naukavalingisa kupwa nge lilungu lyakakahya halwola watongola luze naukasoloka,Yehova mwakavamina mwomwo yautenu wenyi, kaha kakahya nakakavanongesa.+
10 Naukanongesa vaka-tanga* yavo hamavu hosena,Naukanongesa vana vavo muli vatu.
11 Mwomwo vafwililile kulinga vyuma vyavipi kuli ove,+Vanajinyi vyuma vize kavyeshi kuhasa kufukilako.+
12 Mwomwo naukavalingisa vakachine nakukinduluka+Omu naukanana uta wove wamanana* uvase.
13 Ove Yehova, katuka mungolo jove,Natwimba myaso yakukwalisa hangolo jove.
Kwinyikila Chamwishi
^ Hepe., “makumbi amavulu.”
^ Chipwe “Keshi kukapelyangilako.”
^ Hepe., “mihako.”
^ Hepe., “lukusa lwove.”
