Jisamu 26:1-12
Samu yaNdavichi.
26 Ove Yehova, nguhakwile mwomwo ngunatambuka mukulonga.+Ngunafwelela Yehova chakuzeneka kukakasana.+
2 Ove Yehova, ngukekese, ngweseke.Tomesa vishinganyeka vyami* namuchima wami.+
3 Mwomwo zangi yove yakwilila yili kumeso ami,Ngweji kutambukanga mumuchano wove.+
4 Kangweshi kulikata* navaka-kutangisako.+Ngweji kulihendanga kuli vaze veji kulyonganga kupwa vatu vavilinga vyamwaza.*
5 Ngwahunga lizavu lyavatu vavapi,+Kangweshi kulikata* navaka-kuhukako.+
6 Nangusana kumavoko ami mangana ngusolole ngwami kangweshi namulongako,Ove Yehova, nangujinguluka kulijiko lyove lyakulumbila,
7 Mangana kusakwilila chami vachivwe,+Mangana nguvilike nawa vilinga vyove vyakukomwesa.
8 Ove Yehova, ngwazanga zuvo yove yize watwamamo,+Muchihela muze mwatwama upahu wove.+
9 Kanda naungunongesela hamwe navaka-shiliko,+Chipwe kunongesela mwono wami hamwe navaka-ulyanyiko,*
10 Vaze veji kulinganga vilinga vyakwivwisa sonyi,Vaze nawa vazanga maswekeza.
11 Oloze ami nangutambukanga mukulonga chami.Ngupululule,* ngwivwile uselewa.
12 Mahinji ami nawemananga hachihela chakusalama.+Nangwalisa Yehova+ muchikungulwilo chachinene.*
Kwinyikila Chamwishi
^ Hepe., “jiso jami.”
^ Hepe., “kutwama.”
^ Chipwe “Kangweshi kupwa hamwe navaka-kulyongako.”
^ Hepe., “kutwama.”
^ Chipwe “navaka-kumwanga manyingako.”
^ Hepe., “Ngusokole.”
^ Hepe., “mumazavu.”