Jisamu 28:1-9
-
Kulomba chamuka-kwimba navachivwa
-
“Yehova ikiye ngolo jami, ikiye kepwe yami” (7)
-
Samu yaNdavichi.
28 Ove Lilolwa+ lyami Yehova, ove yove ngweji kusanyikanga.Kanda naujika mumatwitwi oveko.Kachi nge nauhola kulu nakuzeneka kungukumbulula,Kaha nangupwa ngana mwavaze vali nakushikumuka muwina.*+
2 Ivwa kulembelela chami omu nangukulembelela ungukafwe,Nomu nangwolola mavoko ami oku ngunatalikisa kukapete kamukachi kachihela chove chajila.+
3 Kanda naungukokela kumwe navaka-kuhuka navaka-kulinga vyuma vyavipiko,+Vaze vali nakuhanjika navakwavo mukuunda, oloze mumichima yavo muli vyuma vyavipi.+
4 Vashishishilemo kweseka navilinga vyavo,+Kweseka navilinga vyavo vyavipi.Vashishishilemo kweseka namilimo yamavoko avo,Kweseka navyuma vanalingi.+
5 Mwomwo kaveshi kuhaka muchima kuvyuma ahundangana Yehova,+Chipwe kumilimo yamavoko enyiko.+Ngocho mwavashiula, kaha keshi kuvatungako.
6 Vamwalisenga Yehova,Mwomwo nevu kulembelela chami ngunamulembelela angukafwe.
7 Yehova ikiye ngolo jami,+ ikiye kepwe yami.+Muchima wami unamufwelela.+Nangukafwe, kaha muchima wami unawahilila,Ngocho nangumwalisa namwaso wami.
8 Yehova ikiye ngolo javatu jenyi,Ikiye chihela chakukola uze eji kulwilanga ou wenyi awavisa.+
9 Lwila vatu jove, kisula uswana wove.+Vafungenga nakuvambata hamavoko ove haya myaka yosena.+
Kwinyikila Chamwishi
^ Chipwe “mufuka.”