Jisamu 29:1-11
Samu yaNdavichi.
29 Enu vana vavindume, vumbikenu Yehova,Vumbikenu Yehova mwomwo yaupahu wenyi nangolo jenyi.+
2 Mutohwesenu Yehova mwomwo yalijina lyenyi.Lifukulenu kuli* Yehova muuvwalo wajila.*
3 Lizu lyaYehova lyeji kwivwakananga hameya.Kalunga waupahu eji kulilimanga.+Yehova atwama hameya amavulu.+
4 Lizu lyaYehova lyapwa lyangolo.+Lizu lyaYehova lyapwa lyaukelenga.
5 Lizu lyaYehova lyeji kuhokolanga mishitale.Yehova eji kuchikanga mishitale yakuLevanone.+
6 Eji kulingisanga Levanone* yisambwojoke nge mwanangombe,Nakulingisa nawa Shilyone+ yisambwojoke nge mwanangombe wamuchipapa.*
7 Lizu lyaYehova lyeji kulovolanga milangi yakakahya.+
8 Lizu lyaYehova lyeji kundendesanga pambo,+Yehova eji kundendesanga pambo yaKateshe.+
9 Lizu lyaYehova lyeji kulingisanga tupaji valichikimine nakusema,Lyeji kuhululanga mitondo yamuchipapa.+Kaha vatu vosena mutembele yenyi veji kwambanga ngwavo: “Upahu unapu waKalunga!”
10 Yehova atwama halitanda helu lyameya amavulu.*+Yehova apwa Mwangana haya myaka yosena.+
11 Yehova mwahana vatu jenyi ngolo.+Yehova mwakisula vatu jenyi hakuvahana kuunda.+
Kwinyikila Chamwishi
^ Chipwe “Lemesenu.”
^ Chipwe pamo, “mwomwo yaluvaji lwakujila chenyi.”
^ Pamo ngalila yajipili yaLevanone.
^ Pamo hikanyama wakulifwana napakasa.
^ Chipwe “hakalungalwiji wamwilu.”