Jisamu 32:1-11
Masakile* yaNdavichi.
32 Awahilila mutu uze vanakonekela lyehi mulonga wenyi wakuzombwojoka jishimbi, uze nawa vanafwikila* lyehi shili yenyi.+
2 Awahilila mutu uze navazeneka kuhana mulonga kuli Yehova,+Uze nawa azeneka kupwa namuchima wakutangisa.
3 Omu ngwahonene kwambulula shili yami, vifuwa vyami vyatakiwile mwomwo yakulishimwoka shimbu yosena.+
4 Mwomwo ove wangwivwilile kupihya chikuma musana naufuku.+Kaha ngolo jami jomine nganomu eji kumanga meya mungonde yanonga. (Sela)
5 Kutwala muze ngwambulwile shili yami kuli ove.Kangwaswekele mulonga wamiko.+Ngwambile ngwami: “Nangwambulula milonga yami yakuzombwojoka jishimbi kuli Yehova.”+Kaha ove wangukonekelele jishili jami.+ (Sela)
6 Shikaho vatu vakushishika navalombanga kuli ove+Shimbu vanahase kukuwana.+Kaha nameya alivaji kaweshi kuheta kuli vakikoko.
7 Ove yove chiswamo chami.Naungukinga kuluyando.+Naungujingulwisa jingunda mwomwo yakunguyovola.+ (Sela)
8 Ove wambile ngwove: “Nangukuhana kunangakana nakukulweza jila watela kutambukamo.+Nangukulweza mangana oku nguli nakukutala.+
9 Kanda naupwa nge kavalu chipwe chimbulu vaze vazeneka manganako,+Vaze valinga kuvanga vavakase nalumingo chipwe nachikapaNumba vezenga kwakamwihi.”
10 Muka-kuhuka eji kumonanga lamba lyalivulu.Oloze ou afwelela Yehova veji kumusolwelanga zangi yakwilila.+
11 Enu vaka-kwoloka, wahililenunga muli Yehova nakulisamba.Enu muvosena mwasungama mumichima, twenunga jingunda.
