Jisamu 33:1-22
33 Enu vaka-kwoloka, twenunga jingunda havyuma vyamwaza nalingi Yehova.+Chapwa chakutamo kumwalisa kuli vaka-kusungama.
2 Musakwililenunga Yehova nakalyalya.Mwimbilenunga myaso nachisaji chamikole likumi.
3 Mwimbilenu mwaso wauhya.+Imbenu kanawa chisaji chamikole oku muli nakulikuwa.
4 Mwomwo mazu aYehova apwa akusungama,+Kaha vyeshovyo eji kulinganga vyapwa vyamwenemwene.
5 Azanga kwoloka nachiyulo.+Hamavu hazala nazangi yakwilila yaYehova.+
6 Melu vawatengele nalizu lyaYehova,+Kaha vyosena vyatwama mumelu* vavitengele nashipilitu yenyi.*
7 Eji kukungulwilanga meya amukalungalwiji hamwe kwijiva nge nawatungila lushito.+Eji kuhakanga nawa meya amavulu muvisete.
8 Vosena vaze vatwama hamavu vamwivwenga Yehova woma.+Vaze vatwama hakaye vosena vamuchikimenga.
9 Mwomwo ahanjikile, kaha vyuma vyalingiwile.+Ahanyine lushimbi, kaha vyuma vyazamine.+
10 Yehova naluwanganyisa vyuma vanajinyi vaka-mafuchi.*+Nahonesa vishinganyeka vyavatu veka naveka.+
11 Oloze vyuma najinyi Yehova navizamanga haya myaka yosena.+Kaha vyuma nashinganyeka mumuchima wenyi navizamanga hachisemunwino hichisemunwino.
12 Wawahilila muyachi uze ukwechi Kalunga kawo Yehova,+Vatu vaze nasakula kupwa luheto lwenyi.+
13 Yehova uze atwama mwilu eji kutalanga hamavu,Eji kumonanga vana vavatu vosena.+
14 Eji kutalanga vaze vatwama hamavu
Kufuminyina kuchihela chenyi atwama.
15 Ikiye eji kutenganga michima yavatu vosena.Kaha eji kukekesanga milimo yavo yosena.+
16 Mwangana keshi kuyovoka mwomwo yakuvula chamaswalale jenyiko.+Chindume nawa keshi kuyovoka mwomwo yakupwa nangolo chikumako.+
17 Kufwelela kavalu ngwove mwakulwila* chapwa hikulyonga.+Ngolo jenyi jajinene kajeshi kuyovola mutuko.
18 Talenu! Meso aYehova eji kutalanga vaze vamwivwa woma,+Vaze vavandamina zangi yenyi yakwilila,
19 Mangana avapululule kukufwa,Nakuvalama vazeneke kufwa kuzala yakalombolombo.+
20 Tuli* nakuvandamina Yehova.Ikiye muka-kutukafwa, ikiye kepwe yetu.+
21 Michima yetu yeji kuwahililanga muli ikiye,Mwomwo twafwelela lijina lyenyi lyajila.+
22 Ove Yehova,+ zangi yove yakwilila yipwenga hali etu,
Omu tuli nakukuvandamina.+
Kwinyikila Chamwishi
^ Hepe., “Kaha mayongomena amumelu osena.”
^ Chipwe “nakuhwima chamukanwa kenyi.”
^ Chipwe “punga yavaka-mafuchi.”
^ Chipwe “mwakufungulwila.”
^ Chipwe “Myono yetu yili.”
