Jisamu 4:1-8
Kuli mukulwane wavaka-kwimba. Mwaso wakwimba navisaji vyamikole. Samu yaNdavichi.
4 Ove Kalunga kami wakwoloka,+ ngukumbulule omu nangukusanyika.Nguwanyine jila yakulihehwelamo kuluyando lwami.Ngwivwile uselewa nakwivwa kulomba chami.
2 Enu vana vavatu, namungusaulanga palanga nakumwaka uka?Namuzanganga lika vyuma vyamokomoko nakutaka vyuma vyamakuli palanga nakumwaka uka? (Sela)
3 Tachikizenu ngwenu Yehova mwazakama vatu jenyi vakushishika mujila yakulipwila.*Yehova mwevwako omu nangumusanyika.
4 Pihililenu, oloze kanda namulinga shiliko.+Lihanjikisenu mumichima yenu hatuhela twenu nakuhola kulu. (Sela)
5 Hanenu vimuna mukwoloka,Kaha fwelelenu muli Yehova.+
6 Kuvali vatu vavavulu vaze vali nakwamba ngwavo: “Iya mwatuhana vyuma vyamwaza?”Ove Yehova,+ tumunyikile kumunyika chakumeso ove.
7 Unangulingisa nguwahilile chikuma mumuchima wamiKuhambakana vaze vanahe jimbuto jamanona jajivulu nakupwa navinyo vyavihya vyavivulu.
8 Nangusavala mukuunda nakuya mutulo,+Mwomwo Ove Yehova, yove kaha weji kungukafwanga ngupwenga nguwakukingiwa.+
Kwinyikila Chamwishi
^ Chipwe “mwalihandwila vatu jenyi vakushishika; mwalisakwila vatu jenyi vakushishika.”
