Jisamu 40:1-17
Kuli mukulwane wavaka-kwimba. Samu yaNdavichi.
40 Ngwatalilile kuli Yehova namuchima wami wosena,*Kaha atengelekele matwitwi enyi* kuli ami nakwivwa kawelele kami.+
2 Angufumishile muwina muze mwapwile chivumo chameya,Angufumishile muutope wamalova.Angwimikile halilolwa.Anguzamishile ngutambuke kanawa.
3 Kaha angunangwile mwaso wauhya,+Mwaso wakwalisa Kalunga ketu.Vatu vavavulu navamona chuma kana nakwivwa woma,Ngocho navafwelela Yehova.
4 Awahilila mutu uze afwelela Yehova,Uze azeneka kufwelela vaka-kulikanga chipwe vaka-kulyonga.*
5 Ove Yehova Kalunga kami,Vyuma unalingi omwo vyavula!Milimo yove yakukomwesa yayivulu, kaha nawa weji kutushinganyekanga chikuma.+Naumwe wauchi mwalyeseka nayove.+Numba ngwami nguvyambulule nakuvihanjika,Kangweshi kuvihasako, mwomwo vinavulu chikuma.+
6 Kawevwilile kuwaha vimuna vakuvatula namawanako,+Oloze wajikwile matwitwi ami mangana ngwivwenga.+Kawalombele mawana akulumba namawana ahashiliko.+
7 Ngocho ngwambile ngwami: “Tala, nguneza.Mumukanda wakuvunga vasonekamo vyakunguvuluka ami.+
8 Ove Kalunga kami, ngwasaka* kulinga mwaya muchima wove,+Jishimbi jove jili mumuchima wami.+
9 Ngweji kuvilikanga mujimbu wamwaza wakwoloka chove muchikungulwilo chachinene.+Tala! Kangweshi kukanyisa mivumbo yami kuhanjikako.+Ove Yehova, ove watachikiza chuma kanechi.
10 Kangweshi kusweka kwoloka chove mumuchima wamiko.Ngweji kuvilikanga kushishika chove naulwilo wove.Kangweshi kusweka zangi yove yakwilila namuchano wove muchikungulwilo chachineneko.”+
11 Ove Yehova, kanda naukana kungutetelako.Zangi yove yakwilila namuchano wove vingukingenga lika.+
12 Vihuli nguli nakumona vinavulu chikuma, kangweshi kuhasa kuvilavako.+Jishili jami jinavulu chikuma, kaha kangweshi nakumona jila yamiko.+Jinavulu chikuma kuhambakana jikambu jakumutwe wami,Ngocho ngunahombo.
13 Ove Yehova, lisuule ungulwile.+Ove Yehova, anguhwisako ungukafwe.+
14 Vosena vaze vali nakusaka kungujihaVavevwise sonyi nakuvasaula.Vaze veji kuwahililanga hakumona vihuli vyamiVakinduluke nasonyi.
15 Vaze vali nakuhanjika hali ami ngwavo: “Ewa! Ewa!”Valikomokele hakwivwa sonyi.
16 Oloze vaze veji kukutondatondanga+Valisambe nakuwahilila muli ove.+Vaze vazanga vilinga vyove vyaulwilo vahanjikenga ngwavo:
“Vamutohwesenga Yehova.”+
17 Ami ngumuka-kukalikiza, ngumuka-kuhutwa.Ove Yehova, nguhake muchima.Ove yove muka-kungukafwa, yove muka-kungupululula.+Ove Kalunga kami, kanda naulangisako.+
Kwinyikila Chamwishi
^ Chipwe “Ngwavandaminyine Yehova namuchima wakuunda.”
^ Chipwe “anongamine nakwivwilila.”
^ Chipwe “vaka-makuli.”
^ Chipwe “ngweji kwivwanga kuwaha.”