Jisamu 41:1-13
Kuli mukulwane wavaka-kwimba. Samu yaNdavichi.
41 Awahilila mutu uze eji kuzakamanga muka-kukalikiza.+Yehova mwamupululula halikumbi lyalupi.
2 Yehova mwamukinga nakumulama.Navamwambanga ngwavo apwa wakuwahilila hamavu.+Kaha Kalunga keshi kumuhana kuli vaka-kole jenyiko.+
3 Yehova mwamuzamikisa omu ali nakuviza hakahela kenyi.+Mwamuwahishila kahela kenyi omu ali mumisongo.
4 Ami ngwambile ngwami: “Ove Yehova, ngwivwile uselewa.+Nguhindule,*+ mwomwo ngunalingi shili kuli ove.”+
5 Oloze vaka-kole jami veji kuhanjikanga mwamupi hali ami ngwavo:“Mwaka uka mwakafwa mangana lijina lyenyi linonge?”
6 Kachi nge umwe hali ava vaka-kole neza nakungumenekela, eji kuhanjikanga vyuma vyamakuli vize vili mumuchima wenyi.Eji kukungululanga mijimbu yayipi.Kahomu mwalovoka haweluka, himwatanjisa mijimbu kana.
7 Vosena vaze vanguhunga veji kuliyevetelanga.Veji kungufungijikila vyuma vyavipi ngwavo:
8 “Musongo waupi* unamukwate.Omu nasavala ngana, keshi kuhinduka chekako.”+
9 Nasepa lyami uze ngunafwelelanga chikuma,+Uze nalinga vyakulya vyami nangwalumukila.+
10 Oloze ove Yehova, ngwivwile uselewa nakunguhindula,Mangana nguvashishishilemo.
11 Nangutachikiza ngwami unangwivwila kuwahaOmu vaka-kole jami navahona jino kulisambila hali ami.+
12 Oloze ami naungukafwa mwomwo yakulonga chami.+Naungwivwilanga kuwaha* haya myaka yosena.+
13 Yehova Kalunga kaIsalele vamwalisengaHaya myaka yosena.*+Amene, Amene.
Kwinyikila Chamwishi
^ Chipwe “Hindula mwono wami.”
^ Chipwe “Chuma chachipi.”
^ Hepe., “Naunguhakanga kumeso ove.”
^ Chipwe “kufuma kumyaka yosena nakutwala kumyaka yosena.”