Jisamu 46:1-11
Kuli mukulwane wavaka-kwimba. Samu yavana vaKola.+ Mwaso wakwimba naAlamote.*
46 Kalunga ikiye uchinyino wetu, ikiye ngolo jetu,+Alizanga kutukafwa mulwola lwaluyando.+
2 Ngocho katweshi kwivwa womako, numba nge kaye nakalumuka,Numba nge jipili najikekumukila mukalungalwiji nakulondomana,+
3 Numba nge meya amukalungalwiji nawanganjanga nakulovola lifulu,+Numba nge jipili najindenda nakunganjanga chakalungalwiji. (Sela)
4 Kuli kalwiji ukwechi vana venyi vaze veji kulingisanga nganda yaKalunga yiwahilile,+Tavanaku yayinene yajila yayou Wakulitulaho Chikuma.
5 Kalunga ali munganda kana,+ ngocho kaveshi kuhasa kuyinongesako.Kalunga mwayikinga kulungulungu lyakucha.+
6 Vaka-mafuchi eka vakatwile liuya, kaha mawangana vawakatumwine.Ikiye ahanjikile nalizu lyakukanguka, kaha mavu ayengunukile.+
7 Yehova wamayongomena ali nayetu.+Kalunga kaYakova ikiye uchinyino wetu wakukola. (Sela)
8 Twayenu mutale milimo nazate Yehova,Omu nahundangana vyuma vyakukomwesa hamavu.
9 Mwakumisa jijita hamavu hosena.+Mwahokwojola mata amanana nakuchika makunga.Mwocha matemba ajita* nakakahya.
10 “Lyonononenu, tachikizenu ngwenu ami yami Kalunga.Navanguzezula helu muli vaka-mafuchi eka.+Navanguzezula helu hamavu hosena.”+
11 Yehova wamayongomena ali nayetu.+Kalunga kaYakova ikiye uchinyino wetu wakukola.+ (Sela)
