Jisamu 47:1-9
Kuli mukulwane wavaka-kwimba. Samu yavana vaKola.+
47 Enu vatu veka naveka muvosena, sakwililenu jikushi.Likuwenu, alisenu Kalunga najingunda.
2 Mwomwo Yehova, ou Wakulitulaho Chikuma apwa wakwivwisa woma.+Apwa Mwangana wamunene hamavu hosena.+
3 Eji kulingisanga vatu veka naveka valiluule kuli etu.Eji kuhakanga vaka-mafuchi mwishi yavilyachilo vyetu.+
4 Eji kutusakwilanga uswana+Uze eji kulisashilanga Yakova uze vazanga kuli Kalunga.+ (Sela)
5 Kalunga nakanduka oku vatu vali nakulikuwa.Yehova nakanduka oku vatu vali nakwimba jimbinga.*
6 Imbilenu Kalunga myaso, imbenu myaso.Imbilenu Mwangana wetu myaso, imbenu myaso.
7 Mwomwo Kalunga ikiye Mwangana hamavu hosena.+Imbenu myaso, pwenu vakunangakana.
8 Kalunga napu Mwangana muli vaka-mafuchi,+Kalunga atwama halitanda lyenyi lyajila.
9 Vatwamina javatu veka naveka vanakunguluka,Vanalikungulula hamwe navatu jaKalunga kaApalahama.Mwomwo vaka-kuyula* vahamavu vanapu vaKalunga.Ikiye azezuka chikuma helu.+