Jisamu 48:1-14
Mwaso. Samu yavana vaKola.+
48 Yehova apwa wamunene, kaha atamo kumwalisaMunganda yaKalunga ketu, hapili yenyi yajila.
2 Pili yaZeyone yize yatwamina kumutamba wakunote kusongosongo,Nganda yaMwangana Wamunene,+Yinapu yamwaza, yakulunduka yize veji kwivwilanga kuwaha vatu hamavu hosena.+
3 Kalunga nalijimbula kupwa uchinyino wakukolaKuvatu vamunganda kana yatuposhi vakukola.+
4 Mwomwo talenu, vamyangana valikungulwile nakutwama punga,*Kaha vakatukile nakuya hamwe kunganda kana.
5 Oloze omu vayimwene, valikomokelele.Vevwile woma nakuchina.
6 Valichikiminyine woma kuze,Kaha valyonyingile nge pwevo uze ali nakusapuluka.
7 Weji kupazwojolanga mato akuTalashishe napeho yakumututuko.
8 Vyuma twevwile tunalimwenavyo nameso etu kapuMunganda yaYehova wamayongomena, munganda yaKalunga ketu.Kalunga mwazamisa nganda kana haya myaka yosena.+ (Sela)
9 Ove Kalunga, tweji kushinganyekanga hazangi yove yakwilila+Mutembele yove.
10 Ove Kalunga, kukwalisa chinatande kumavu kwosena nganomu lyatanda lijina lyove.+Livoko lyove lyachilyo linazale navilinga vyakwoloka.+
11 Pili yaZeyone+ yiwahililenga,Najimbongi* jamuYuta nawa jiwahililenga mwomwo yamazu ove akuyula.+
12 Jingulukenu Zeyone, yinyengumukenu.Lavenu tuposhi twayo.+
13 Nyingililenu milundu yayo,*+Kekesenu tuposhi twayo vakukola,Mangana mukavyambulule kuvisemunwino vyakulutwe.
14 Mwomwo ou Kalunga ikiye Kalunga ketu+ haya myaka namyaka.Mwatutwaminyinanga haya myaka yosena.*+
Kwinyikila Chamwishi
^ Chipwe “vamyangana valishikile kuliwana.”
^ Hepe., “Navana.”
^ Chipwe “jikembwe jayo jakukola.”
^ Chipwe pamo, “palanga nakukufwa chetu.”
