Jisamu 5:1-12
Kuli mukulwane wavaka-kwimba Nehilote.* Samu yaNdavichi.
5 Ove Yehova,+ ivwilila kumazu ami.Tengeleka matwitwi ove omu nangulishimwoka.
2 Ivwilila kukawelele kami,Ove Mwangana wami, ove Kalunga kami, mwomwo nguli nakulomba kuli ove.
3 Ove Yehova, nawivwa lizu lyami nachimene.+Nangukulweza ukalu wami nachimene+ nakutalijiza kuli ove.
4 Mwomwo ove kawapwa uKalunga uze eji kwivwilanga kuwaha vilinga vyakuhukako.+Kaha kakweshi mutu wavilinga vyavipi mwatwamanga nayoveko.+
5 Kakweshi muka-kulivwimba mwemana kumeso oveko.Wahunga vosena vaze veji kulinganga vyuma vyavipi.+
6 Naunongesa vaze veji kuhanjikanga makuli.+Yehova evwila unyengwe vaka-ulyanyi* navaka-kutangisa.+
7 Oloze ami nangwingila muzuvo yove+ mwomwo yazangi yove yakwilila yayinene.+Nangulifukula chakutalisa kutembele yove yajila* mwomwo yakukwivwa woma.+
8 Ove Yehova, ngutwaminyine mujijila jove jakwoloka mwomwo yavaka-kole jami.Nguwahishile jila yove mangana ngutambukemo kanawa.+
9 Mwomwo kaveshi kuhanjika vyuma vyakutela kufwelelako.Mujitulo javo mwazala makuli.Miliu yavo yinapu nge vimbumbe vyahululu.Veji kwonganga vatu namalimi avo.*+
10 Oloze Kalunga mwavahana mulonga.Vyuma vajina navivalimbwisa.+Vahange mwomwo vanazombwojoka chikuma jishimbi,Mwomwo vanalikange kuli ove.
11 Oloze vosena vaze veji kuchinyinanga muli ove navawahililanga.+Navatwanga jingunda lwola lwosena.Kaha ove nauvakinganga.Vaze vazanga lijina lyove navawahililanga muli ove.
12 Mwomwo ove Yehova naukisulanga weshowo wakwoloka.Uselewa wove naumukinganga ngana mwakepwe yayinene.+
Kwinyikila Chamwishi
^ Tala Mukana waMazu.
^ Chipwe “vaka-kumwanga manyinga.”
^ Chipwe “kuchihela chove chajila.”
^ Chipwe “Veji kuzachisanga malimi akulambisa.”