Jisamu 51:1-19
Kuli mukulwane wavaka-kwimba. Samu yaNdavichi yize embile halwola luze kapolofweto Natane ejile kuli ikiye omu alingile hanalisavala lyehi naMbate-sheva.+
51 Ove Kalunga, ngwivwile uselewa kweseka nazangi yove yakwilila.+Jimbangana vilinga vyami vyakuzombwojoka jishimbi kweseka nakutetela chove chachinene.+
2 Ngukose kanawa kuhenga chami,+Ngutomese kushili yami.+
3 Mwomwo ngunatachikiza kanawa vilinga vyami vyakuzombwojoka jishimbi,Kaha shili yami yili kumeso ami* lwola lwosena.+
4 Ngunalingi shili chikumanyi kuli ove.*+Ngunalingi vyuma vyavipi kumeso ove.+Ove weji kuhanjikanga mwakwoloka,Weji kusopanga nawa milonga mwakwoloka.+
5 Tala! Ngwasemukile nakuhenga chami,Kaha mama apwile muka-shili omu angwimichile.*+
6 Tala! Ove weji kwivwilanga kuwaha muchano wamumuchima.+Nangula muchima wami mangana amwenemwene.
7 Ngutomese kushili yami nahusope* mangana ngutome.+Ngusanyise mangana ngutome chikuma kuhambakana mbundu.+
8 Mana ngwivwenga mazu avatu vanawahilila nakulisamba,Mangana vifuwa vize unachiki vilikangule.*+
9 Kanda nautala jishili jamiko,+Jimbangana* kuhenga chami chosena.+
10 Ove Kalunga, tenga muchima utoma muli ami,+Haka shipilitu yayihya yakuzama mbe muli ami.+
11 Kanda naunguhanga kumeso oveko.Kanda naungutambula shipilitu yove yajilako.
12 Ngulingise nguwahilile cheka haulwilo wove.+Nguhane muchima wakufwila kukwononoka.*
13 Vaka-kuzombwojoka jishimbi nanguvanangulanga jijila jove,+Mangana ava vaka-shili vakinduluke kuli ove.
14 Ove Kalunga muka-kungulwila,+ nguyovole kumulonga wakumwanga manyinga,+Mangana lilimi lyami liwahilile nakuvilika kwoloka chove.+
15 Ove Yehova, pandumuna mivumbo yami,Mangana kanwa kami kavilike vyuma vyakukwalisa.+
16 Mwomwo ove kaweshi kusaka vimuna vakuvatulako, mokomoko kachi ngunakuhanevo.+Kaweshi kwivwila kuwaha wana wakulumbako.+
17 Muchima wakuhomba unapu nge chimuna wakuvatula uze weji kwivwilanga kuwaha.Ove Kalunga, kaweshi kukana* muchima wakuhokoka, wakuchikikako.+
18 Lingila Zeyone vyuma vyamwaza mwomwo yakuyivwila kuwaha.Tunga kembwe yaYelusalema.
19 Kaha naukevwila kuwaha vimuna vakuvatula vaze navakahana mukwoloka,Vimuna vakuvatula vakulumba, nawana wosena.Vakuji javangombe nawa navakavalumbanga halijiko lyove lyakulumbila.+
Kwinyikila Chamwishi
^ Chipwe “Kaha nguli nakushinganyekanga hashili yami.”
^ Hepe., “shili kuli yove kaha.”
^ Chipwe “Ngwapwile nashili omu angwimichile mama.”
^ Tala Mukana waMazu.
^ Hepe., “vilisambe.”
^ Chipwe “Jima.”
^ Hepe., “Ngukafwe hakunguhana shipilitu yakulisuula.”
^ Chipwe “kulumbilisa.”
