Jisamu 52:1-9
Kuli mukulwane wavaka-kwimba. Masakile* yaNdavichi, omu kaEtome Ndowenge ejile nakulweza Saulu ngwenyi Ndavichi ayanga kuzuvo yaAhimeleke.+
52 Ove chindume, ikaze weji kulisashilanga havilinga vyove vyavipi?+Zangi yaKalunga yakwilila kuyatwama makumbi osena.+
2 Lilimi lyove lize lyavambuka nge poko yayembe,+Lyeji kujinanga kulinga mwamupi nakuhanjika makuli.+
3 Wazanga vyuma vyavipi kuhambakana vyuma vyamwaza,Wazanga kuhanjika makuli kuhambakana kuhanjika mwakwoloka. (Sela)
4 Ove lilimi lyakutangisa,Wazanga kuhanjika mazu akulemeka.
5 Shikaho Kalunga mwakakunongesela ndolokoto.+Mwakakufumisa mumbalaka yove nakukutanya tanyutanyu.+Mwakakuvunya muli vatu vavatonyi.+ (Sela)
6 Vaka-kwoloka navakamonako nakwivwa woma,+Kaha navakamuseha ngwavo:+
7 “Talenu lunga uze akanyinenga kwitavila Kalunga kupwa uchinyino wenyi,*+Uze afwelelele muluheto lwenyi lwaluvulu,+Nakupendamina* havyuma vyavipi ajinyinenga.”*
8 Oloze ami nangufukilanga nge mulive muzuvo yaKalunga.Nangufwelelanga muzangi yaKalunga yakwilila+ haya myaka namyaka.
9 Nangukwalisanga haya myaka yosena mwomwo yavyuma unalingi.+Nangufwelelanga mulijina lyove+ kumeso avatu jove vakushishika,Mwomwo lyapwa lyamwaza.
Kwinyikila Chamwishi
^ Tala Mukana waMazu.
^ Chipwe “kupwa chihela chenyi chakukola.”
^ Chipwe “Nakuswama.”
^ Hepe., “haukalu wakulinehela ivene.”