Jisamu 55:1-23
Kuli mukulwane wavaka-kwimba. Mwaso wakwimba navisaji vyamikole. Masakile* yaNdavichi.
55 Ove Kalunga, ivwilila kukulomba chami,+Kanda nauliula kulomba chami ngunakulombo unguteteleko.*+
2 Ngwivwilile, ngukumbulule.+Muchima wami unemana lwi mwomwo yaukalu,+Kaha ngunalizakamina chikuma,
3 Mwomwo yavyuma ali nakuhanjika muka-kole wamiNaluyanjisa lwamuka-kuhuka.Mwomwo vali nakungumwenesa ukalu wauvulu,Kaha vanangukwachila koko mwomwo vali namatoto.+
4 Muchima wami uli nakulyonyinga,+Woma wakufwa unangukwate chikuma.+
5 Woma namuzuzu vinangukwate,Kaha nguli nakulichikimina chikuma.
6 Ngunambenga ngwami: “Kachi nge ngwapwanga namavava nge liyembe,Kachi ngunatuku nakuya kweka kuze nangukatwama mukukingiwa.
7 Talenu, kachi ngunachinyina kwakusuku.+Kachi ngunayi nakutwama mupambo.+ (Sela)
8 Kachi ngunanguhwisa nakuya kuchihela kuze nanguswamaPeho yayinene navula yanyamanganda.”
9 Ove Yehova, valuwanganyise nakutangula vyuma vanajinyi,*+Mwomwo nguli nakumona ulyanyi navikokojola munganda.
10 Vali nakutambwojoka hakembwe yanganda ufuku namusana.Munganda muli chijindo naluyanjisa.+
11 Mukachi kanganda muli lwenyeka.Kuvihela vyayo vyasanga kuli luyanjisa nakutangisa.+
12 Mwomwo keshi nge muka-kole wami ikiye ali nakungulumbilisako.+Kachi nge chapwanga ngocho kachi ngunamuliula.Keshi nge muka-kole wami ikiye nangufumbukilako.Kachi nge chapwanga ngocho kachi ngunaswame ahone kungumona.
13 Olozenyi mwomwo yove, ove mutu wakufwana nge yami,*+Yove sepa lyami ngwatachikiza kanawa.+
14 Twalikachile chikuma.Twayilenga hamwe nalizavu lyavatu kuzuvo yaKalunga.
15 Vavanongese,+Vayenga vavatonyi muFuka.*Mwomwo upi wazala mumichima yavo nakweshokwo vali.
16 Oloze ami nangusanyika Kalunga,Kaha Yehova mwangulwila.+
17 Ngweji kulyonyinganga nakulikemenena nachingoloshi, nachimene, namusana,+Kaha eji kwivwanga lizu lyami.+
18 Mwangupululula* kuli vaze vali nakunguzungisa, kaha mwangutwamisa mukuunda,Mwomwo vaze vali nakungufumbukila vanapu vavavulu.+
19 Kalunga, ou atwama halitanda putu kushikulu+Mwevwako, kaha mwavakumbulula.+ (Sela)Vaze vazeneka kwivwa Kalunga woma+Navakana kwalumuka.
20 Afumbukilile* vaze atwaminenga navo mukuunda.+Ahokwele chivwasano chetu.+
21 Mazu enyi apwa amwaza kuhambakana mateka,+Oloze mumuchima wenyi mwatwama vikokojola.Mazu enyi apwa amavwovu kuhambakana maji,Oloze avambuka nge jipoko jamikwale.+
22 Mbila chiteli chove hali Yehova,+Kaha ikiye mwakuzamikisa.+Keshi kuketavila muka-kwoloka alimbukeko.*+
23 Oloze ove Kalunga, nauvashikumwina muwina wausuku.+Vaka-kumwanga manyinga navaka-kuhanjika vyakutangisa kaveshi kuyoya chimbwa chamyaka yavo yakuyoyako.+Oloze ami nangufwelelanga muli ove.
Kwinyikila Chamwishi
^ Tala Mukana waMazu.
^ Chipwe “Kanda nauswama omu nangukulomba ungukafweko.”
^ Hepe., “nakuhandununa malimi avo.”
^ Chipwe “mutu uze tunateseka hamwe.”
^ Chipwe “muSheyole,” kulumbununa fuka yavatu vosena. Tala Mukana waMazu.
^ Hepe., “Mwangusokola.”
^ Kulumbununa, mutu uze vanavuluka muvesi 13 na 14, uze apwile sepa lyaNdavichi.
^ Chipwe “apelyangileko.”
