Jisamu 56:1-13
Kuli mukulwane wavaka-kwimba. Mwaso wakwamba ngwavo, “Liyembe Wakuhola Uze Ali Kwakusuku.” Mikitame* yaNdavichi. Omu vaFwilishite vamukwachile muNgata.+
56 Ove Kalunga, ngwivwile uselewa mwomwo vatu vali nakungufumbukila.*Vali nakunguzungisa nakunguyanjisa lwola lwosena.
2 Vaka-kole jami vali nakungunyemukila lwola lwosena.Vatu vavavulu vali nakunguzungisa.
3 Ngweji kufwelelanga muli ove+ kachi nge ngunevu woma.+
4 Ngwafwelela Kalunga uze ukwechi mazu enyi ngweji kwalisanga,Ngwafwelela Kalunga, shikaho kangweshi kwivwa womako.Mutu* mwangulinga mukaze?+
5 Veji kunguyanjisanga lwola lwosena,Vafwila kaha kungulemeka.+
6 Veji kunguswaminyinanga mangana vangulukuke.Veji kungutalatalanga kweshokwo nanguya+Mangana vangujihe.+
7 Vakane mwomwo yavilinga vyavo vyavipi.Ove Kalunga, zangamisa vaka-mafuchi mwomwo yamatoto ove.+
8 Weji kunyingililanga kukimbwojoka chami.+Haka masoji ami mutuku yove.+Kutala kawawasoneka mumukanda woveko numba?+
9 Vaka-kole jami navakachina nakukinduluka halikumbi lize nangukakusanyika ungukafwe.+Ngunafwelela chikupu ngwami, Kalunga ali nayami.+
10 Ngwafwelela Kalunga uze ukwechi mazu enyi ngweji kwalisanga,Ngwafwelela Yehova uze ukwechi mazu enyi ngweji kwalisanga.
11 Ngwafwelela Kalunga, shikaho kangweshi kwivwa womako.+Mutu mwangulinga mukaze?+
12 Ove Kalunga, ngunakashiwa najishiko jami ngunakushiki.+Nangukuhananga wana wakukusakwilila.+
13 Mwomwo unangupululula* kukufwa,+Unakingi mahinji ami ahone kuhukana,+Mangana nguyoyenga lika nakutambuka kumeso aKalunga.+
Kwinyikila Chamwishi
^ Tala Mukana waMazu.
^ Chipwe “nakungunyemukila.”
^ Hepe., “Mutu ukwechi mujimba.”
^ Chipwe “unapululula mwono wami.”