Jisamu 57:1-11
Kuli mukulwane wavaka-kwimba. Mwaso wakwamba ngwavo, “Kanda Naunongesako.” Mikitame* yaNdavichi. Omu aswamine muwina wakusendeveka hakuchina Saulu.+
57 Ngwivwile uselewa, ove Kalunga, ngwivwile uselewa,Mwomwo ngunachinyina muli ove.+Ngunachinyina mumavava ove palanga nomu nauhita ukalu.+
2 Ngunasanyika Kalunga, ou Wakulitulaho Chikuma,Ngunasanyika Kalunga wamuchano ou eji kukumisanga ukalu wami.
3 Mwangukafwa mwilu muze atwama, mwanguyovola.+Mwaluwanganyisa uze ali nakungufumbukila. (Sela)Kalunga mwangusolwela zangi yenyi yakwilila nakupwa lika wakushishika kuli ami.+
4 Vanangujingilika kuvandumba.+Ngunasavala muli malunga vaze vali nakusaka kungulya,Vaze vakwechi mazo nge makunga, nge mivwi,Vaze vakwechi nawa malimi nge jipoko jamikwale jakuvambuka.+
5 Ove Kalunga, vakuzezule helu lyamelu.Upahu wove upwenga hamavu hosena.+
6 Vanangutela lyoji mangana mahinji ami aliswikeho,+Ngunazembama naluyando.+Vanangufulila wina kulutwe lwami,Oloze vanaholokelamo vavene.+ (Sela)
7 Muchima wami unazame mbe, ove Kalunga,+Muchima wami unazame mbe.Nangukwimbila myaso.
8 Ove upahu wami, tona.Ove chisaji chamikole nayove kalyalya, tonenu.Nanguhinduka kulungulungu lyakucha.+
9 Ove Yehova,+ nangukwalisa muli vatu veka naveka,Nangukwimbila myaso muli vaka-mafuchi.+
10 Mwomwo zangi yove yakwilila yinapu yayinene, kaha yinahete namumelu,+Kushishika chove chinahete namuutangatanga.
11 Ove Kalunga, vakuzezule helu lyamelu.Upahu wove upwenga hamavu hosena.+
Kwinyikila Chamwishi
^ Tala Mukana waMazu.