Jisamu 6:1-10
Kuli mukulwane wavaka-kwimba. Mwaso wakwimba navisaji vyamikole haSheminyite.* Samu yaNdavichi.
6 Ove Yehova, kanda unguhanjikila nautenu woveko,Kanda ungwolola namatoto oveko.+
2 Ove Yehova, ngwivwile uselewa* mwomwo ngunazeye.Ove Yehova,+ nguhindule, mwomwo nguli nakwivwa namuvifuwa keke.
3 Ngunalizuzukila chikuma.+Jino ove Yehova nangukuhulisa ngwami, nanguyanda palanga nakumwaka uka?+
4 Kinduluka ove Yehova, ngupululule.+Ngulwile mwomwo yazangi yove yakwilila.+
5 Mwomwo vafu kaveshi kukuvulukako.*Iyaze ali muFuka* nahase kukwalisa?+
6 Ngunazeye nakulishimwoka.+Ngweji kuzovesanga kahela kami namasoji ufuku wosena.Ngweji kuhingunwinanga masoji hakahela kami.+
7 Meso ami anazeye naushona,+Anafuvalala mwomwo yavosena vaze vali nakunguyanjisa.
8 Fumenu kuli ami, enu vaka-kulinga vyuma vyavipi muvosena,Mwomwo Yehova mwevwa kulila chami.+
9 Yehova mwevwa kulomba chami nangumulomba angwivwile uselewa.+Yehova mwetavila kulomba chami.
10 Vaka-kole jami vosena navevwa sonyi nakulizuzukila nawoma.Navakinduluka nasonyi.+
Kwinyikila Chamwishi
^ Tala Mukana waMazu.
^ Chipwe “ngutetele.”
^ Chipwe “kukwanukako.”
^ Chipwe “muSheyole,” kulumbununa fuka yavatu vosena. Tala Mukana waMazu.
