Jisamu 60:1-12
Kuli mukulwane wavaka-kwimba. Mwaso wakwamba ngwavo, “Lutemo Lwakwanukisa.” Mikitame* yaNdavichi. Mwaso wakunangula. Omu Ndavichi alwile navaka-Alame-nahalaime navaka-Alame-Zova, kaha Yowave himwakinduluka nakujiha vaEtome 12,000 muChinema chaMungwa.+
60 Ove Kalunga, ove watumbile nyima, kaha watufungulwile.+Watusulakanyinyine, oloze twitavile jino.
2 Wandendesele mavu, nakuwapula hakachi.Jika mumyaji yawo, mwomwo ali nakukekumuka.
3 Walingishile vatu jove vayande.Watulingishile tunwenga vinyo, shikaho tuli nakupelyangila.+
4 Hana* chinjikizo kuli vaze vakwivwa womaMangana vachine nakupeuka mwivwi.* (Sela)
5 Tulwile nalivoko lyove lyachilyo, tukumbulule,Mangana upululule ava wazanga.+
6 Kalunga wajila nahanjika ngwenyi:*“Nanguwahilila, nanguhana Shekeme kupwa uswana wavatu jami,+Kaha nangupima Chinema* chaSukote.+
7 Ngileyate yinapu yami ngana mwangalila yaManase,+Efwalime yinapu nge litepa lyakukola* lyakumutwe wami.Kaha Yuta yinapu nge mbwechi yakapitau kami.+
8 Mowave yinapu nge mbashiya yami yakusanyina.+Nangumbila mendelo ami haEtome.+Nangulisambila haFwilishite.”+
9 Iya mwangutwala kunganda vanahake muchingombela?*Iya mwangutwaminyina palanga nakuEtome?+
10 Yove vene Kalunga uze atumbile nyima,Kalunga ketu uze nalitwamina kuyanga hamwe naliyongomena lyetu lyavaka-jita.+
11 Tukafwe muluyando lwetu,Mwomwo ulwilo wavatu wapwa wamokomoko.+
12 Kalunga mwatukafwa tukwate ngolo,+Mwalyatangila vaka-kole jetu.+
Kwinyikila Chamwishi
^ Tala Mukana waMazu.
^ Chipwe pamo, “Unahane.”
^ Hepe., “uta wamanana.”
^ Chipwe “Chana.”
^ Chipwe pamo, “Kalunga nahanjika muchihela chenyi chajila ngwenyi.”
^ Hepe., “nge chihela chakukola.”
^ Chipwe pamo, “kunganda yakukingiwa?”
