Jisamu 64:1-10
-
Kukingiwa kuvyuma vyakusweka
-
“Kalunga mwavasa” (7)
-
Kuli mukulwane wavaka-kwimba. Samu yaNdavichi.
64 Ove Kalunga, ivwa lizu lyami omu nangukulembelela.+Kinga mwono wami kuli muka-kole uze ali nakungukinjila.
2 Ngukinge kuvyuma vyakusweka vali nakujina vaka-kuhuka.+Ngukinge kulizavu lyavaka-kulinga mwamupi.
3 Vali nakuhotola malimi avo kwijiva nge poko yamukwale.Vali nakunonga mazu avo aukenya kwijiva nge mivwi,
4 Mangana vasenga mutu wakuzeneka mulonga oku vali muvihela vyavo vyakuhengama.Vali nakumwasa mukukasumuna chakuzeneka woma.
5 Vanakakachila kuvyuma vyavipi vanajinyi.*Vali nakushimutwilanga mwakuswekela miheto yavo.Kaha vali nakwambanga ngwavo: “Iyaze mwayimona?”+
6 Vali nakutondatonda jijila jajihya jakulingilamo vyuma vyavipi.Vali nakutaka jila yakulingilamo vyuma vanajinyi mukulunguluka,+Kaha vishinganyeka vyavo mutu himutu vinapu vyakujiminyina.
7 Oloze Kalunga mwavasa.+Mwivwi nauvalemeka mukukasumuna.
8 Malimi avo vavene nawavalimbwisa.+Vosena vaze vali nakuvatala navanyengesa mitwe yavo,
9 Ngocho vosena navevwa woma.Kaha navavilika vyuma nalingi Kalunga,Nakutachikiza milimo yenyi yosena.+
10 Muka-kwoloka mwawahilila muli Yehova nakuchinyina muli ikiye.+Vaze vasungama mumichima vosena navalisamba.*
Kwinyikila Chamwishi
^ Chipwe “Veji kulikolezezanga mwavomwavo mangana valinge vyuma vyavipi.”
^ Chipwe “navalisasa.”
