Jisamu 65:1-13
Kuli mukulwane wavaka-kwimba. Samu yaNdavichi. Mwaso.
65 Ove Kalunga, kukwalisa chili nakukuvandamina muZeyone.+Natutesamo jishiko jetu tunakushiki.+
2 Ove muka-kwivwilila kukulomba, vatu vakulisezaseza vosena* naveza kuli ove.+
3 Jishili jami jinangulemenena.+Oloze ove weji kutukonekelanga milonga yetu yakuzombwojoka jishimbi.+
4 Awahilila mutu uze unasakula nakumupandamisa kuli oveMangana atwamenga muchipango chove.+Natusuuluka nakuwaha chazuvo yove,+Tembele yove* yajila.+
5 Ove Kalunga muka-kutulwila,Nautukumbulula navilinga vyove vyakwoloka vyakwivwisa woma.+Ove yove vafwelela vatu kumavu kwosena,+Navaze nawa vatwama kwakusuku musali yakalungalwiji.
6 Wazamishile* jipili nangolo jove.Ove* watwama nangolo chikuma.+
7 Weji* kuunjisanga kunganjanga chatulungalwiji,+Navyema vyamakimba atwo, naliuya lyavaka-mafuchi.+
8 Vaze vatwama kuvihela vyakwakusuku navevwa woma wavinjikizo vyove.+Naulingisa vaze vatwama kumututuko nakumulauko vatwenga jingunda.
9 Weji kuzakamanga mavuHakuwalingisa apwenga nawilo nakwima* vyuma vyavivulu chikuma.+Tulwiji vakufuma kuli ove Kalunga vazala meya.Weji kuhananga vatu kulya chamanona,+Mwomwo omu mukiko wawahishilile mavu.
10 Weji kutukumwinanga mumyozongolo yawo, weji kulambisanga haze vanalimi.*Weji kuwavwovuwisanga navula, weji kukisulanga vize vyeji kwimangaho.+
11 Mwaka weji kuuvwikanga kuwaha chove nge muchama,Jijila jove jazala navyuma vyavivulu.*+
12 Maulilo amupambo ali namwila wachimbete,+Kaha hajipili hosena hali kuwahilila.+
13 Maulilo anazale navimuna,Kaha muvinema* mwosena munazale kulya chamanona.+Vyeji kulikuwanga, vyeji kwimbanga myaso.+
Kwinyikila Chamwishi
^ Hepe., “vatu vakwechi mijimba vosena.”
^ Chipwe “Chihela chove chajila.”
^ Hepe., “Ikiye.”
^ Hepe., “Azamishile.”
^ Hepe., “Eji.”
^ Hepe., “nakuwazalisa.”
^ Chipwe “hamihanga.”
^ Hepe., “jeji kusotokanga maji.”
^ Chipwe “muvyana.”
