Jisamu 66:1-20
Kuli mukulwane wavaka-kwimba. Mwaso. Samu.
66 Enu mwatwama hamavu muvosena, likuwenu kuli Kalunga.+
2 Imbenu myaso yakwalisa lijina lyenyi lyaupahu.Mutohwesenu nakumwalisa.+
3 Ambenu kuli Kalunga ngwenu: “Milimo yove yapwa yakwivwisa woma chikupu.+Vaka-kole jove navevwa woma kumeso oveMwomwo yangolo jove jajinene.+
4 Vatu vahamavu vosena navakalifukula kuli ove.+Navakakwimbila myaso,Navakemba myaso yakwalisa lijina lyove.”+ (Sela)
5 Twayenu mutale milimo yaKalunga.Milimo nazachila vana vavatu yinapu yakwivwisa woma.+
6 Omishile kalungalwiji.+Vazaukile kalwiji hamahinji.+Kaha twawahililile muli ikiye kuze.+
7 Eji kuyulanga nangolo jenyi haya myaka yosena.+Meso enyi eji kutalanga vaka-mafuchi.+Vaze vanjinjavala kanda navalitohwesako.+ (Sela)
8 Enu vatu veka naveka, mwalisenu Kalunga ketu,+Kaha mazu akumwalisa evwakane.
9 Eji kulamanga myono yetu.+Keshi kwechelela mahinji etu ahukaneko.*+
10 Mwomwo ove Kalunga unatukekesa.+Unatutomesa nganomu veji kutomesanga palata.
11 Watwevelele mulyoji.Watutwikile chiteli chachilemu chikuma.*
12 Wetavishile vatu vanganavene vatulyatangile.*Twahichile mukakahya namumeya,Kaha watunehele jino kuchihela kuze twalihehwele.
13 Nangwingila muzuvo yove namawana akulumba.+Nangutesamo jishiko jami ngwakushikile,+
14 Jize ngwashikile namivumbo yami,+Jize nawa ngwahanjikile nakanwa kami omu ngwapwile muluyando.
15 Nangukuhana mawana akulumba avimuna vakununa,Navizamba jamikoko vakuvatula mangana vakakumuke wishi.Nanguhana vakuji javangombe navizamba javapembe. (Sela)
16 Enu mweji kwivwanga Kalunga woma muvosena, twayenu mwivwilile,Nangumilweza vyuma nangulingila.*+
17 Ngwamusanyikile nakanwa kami,Ngwamutohwesele nalilimi lyami.
18 Kachi nge ngwalamine vyuma vyavipi mumuchima wami,Kachi Yehova kangwivwileko.+
19 Oloze Kalunga angwivwile.+Atengelekele matwitwi enyi kukulomba chami.+
20 Vamwalisenga Kalunga uze azenekele kukana kulomba chami,Chipwe kuzeneka kungusolwela zangi yenyi yakwilila.
Kwinyikila Chamwishi
^ Chipwe “apelyangileko.”
^ Hepe., “Wahakile chiteli chachilemu chikuma hajitungi jetu.”
^ Hepe., “vatulyatangile hamitwe.”
^ Chipwe “nalingila mwono wami.”
