Jisamu 69:1-36
Kuli mukulwane wavaka-kwimba. Mwaso wakwamba ngwavo, “Jitemo.” Samu yaNdavichi.
69 Ove Kalunga, ngulwile mwomwo meya nawangulya.+
2 Ngunengila mwakukunama mumalova, mwakuzeneka nahamwe hakwimana.+Ngunajiminyina hakajinga,Kaha muta wangolo unanguhungumuna.+
3 Ngunazeye nakusanyika,+Kumiliu yami kunomu chau.Meso ami anafuvalala mwomwo yakutalilila Kalunga kami.+
4 Vaze vanguhunga chakuzeneka mulonga+Vanavulu chikuma kuhambakana jikambu jakumutwe wami.Vaze vali nakusaka kungujiha,Vaka-kole jami, vanavulu chikuma.Vali nakungushinjila nguhilwise vyuma vize kangwevileko.
5 Ove Kalunga, ove unatachikiza uleya wami,Kaha mulonga wami kawaswamine kumeso oveko.
6 Ove Mwata Wakulitulaho, Yehova wamayongomena,Vaze vali nakutalilila kuli ove kanda vavevwisa sonyi mwomwo yayamiko.Ove Kalunga kaIsalele,Vaze vali nakukutondatonda kanda vavenyisa mwomwo yayamiko.
7 Vatu vali nakungutolekela hali ove,+Kaha sonyi yinangukwate chikuma.+
8 Ngunapu nge ngungeji kuli vandumbwami,Nge ngumuka-lifuchi lyeka kuli vana vamama.+
9 Mwomwo twima nguli nayo hazuvo yove yinanguli,+Kutoleka chavaze veji kukutolekanga chineza hali ami.+
10 Omu ngwalilile nakulijilika kulya,Vangutolekele.
11 Omu ngwavwalile chikeleyi,Vanguhendele.
12 Vaze veji kutwamanga kuchikolo changanda veji kuhanjikanga hali ami,Kaha vaka-kupenda veji kungwimbanga mumyaso yavo.
13 Oloze ove Yehova, nangulomba kuli ove halwola unangwivwila uselewa.+Ove Kalunga, ngukumbulule naulwilo wove wamuchano,+Mwomwo yazangi yove yakwilila.
14 Ngufumise muulova,Kanda naungwechelela ngulondomanemoko.Ngupululule kuli vaze vanguhunga,Nakungupululula nawa hakajinga.+
15 Kanda nawechelela muta walivaji unguhungumune,Chipwe kwechelela kajinga angujimike,+Chipwe kwechelela lishima lilisoke kukanwa nakungufwikako.+
16 Ove Yehova, ngukumbulule mwomwo zangi yove yakwilila yapwa yamwaza.+Talisa meso ove kuli ami mwomwo yakutetela chove chachinene.+
17 Kanda nauswama mangana ami ngamba yove nguhone kukumonako.+Ngukumbulule washi mwomwo nguli muluyando.+
18 Swenya kwakamwihi nayami ungupululule.Ngusokole kuli vaka-kole jami.
19 Ove unatachikiza omu vanangutoleka, nomu vanangusaula nakungwinyisa.+Unamono vaka-kole jami vosena.
20 Kungutoleka chinangutu mbandu kumuchima wami, kaha mbandu kana kaveshi kuhasa kuyukako.Ngunapunga nakutalilila mutu wakungwivwila keke, oloze wauchi.+Ngunapunga nakutalilila vaka-kunguvendejeka, oloze kangwamwene naumweko.+
21 Vanguhanyine usungu+ mukutela kunguhana vyakulya,Omu ngwevwile lipwila vanguhanyine vinangele* ngunwenga.+
22 Mesa yavo yipwenga muheto mangana vafwengamo vavene,Kufukila chavo chipwenga chiliva.+
23 Meso avo elave wi mangana vahone kumona.Ndendesa jitungi javo.
24 Vasolwele kulundundu yove,Utenu wove uvawane.+
25 Chilombo chavo chisale ngundu.Mujimbalaka javo kanda mukatwama mutuko.+
26 Mwomwo veji kuhangasananga uze wavetele,Veji kuhanjikanga lika hakukola vali nakwivwa vaze walemekele.
27 Kumilonga yavo wezelako milonga yikwavo,Kanda nauvamona kupwa vakwolokako.
28 Vavajime mumukanda wakuyoya,+Kanda navavasoneka mumukanda navaka-kwoloka hamweko.+
29 Oloze ami ngunayande nakwivwa kukola.+Ove Kalunga, ngolo jove jakulwila jingukinge.
30 Nangwimbanga myaso yakwalisa lijina lyaKalunga,Nangumutohwesanga nakumusakwilila.
31 Echi nachivwisa Yehova kuwaha kuhambakana kumuhana ngombe wakuji,Kuhambakana kumuhana mwanangombe wakuji uze ali najimbinga najisende.+
32 Vavavwovu navamonako nakuwahilila.Enu muli nakutondatonda Kalunga, michima yenu yizame cheka.
33 Mwomwo Yehova ali nakwivwilila vaka-kuhutwa,+Kaha keshi kukalumbilisa vatu jenyi vaze vali muufungeko.+
34 Melu namavu vimwalisenga,+Natulungalwiji navyuma vyosena vize vyeji kutambukangamo.
35 Mwomwo Kalunga mwalwila Zeyone,+Mwatungulula jinganda jaYuta.Kaha navakatwama mulifuchi kana nakuliheta.
36 Vaka-tanga yavangamba jenyi navakaswana lifuchi kana,+Vaze vazanga lijina lyenyi navakatwamangamo.+
Kwinyikila Chamwishi
^ Vinangele vyapwa vyakunwa vingangamina vize vyafuminenga kuvinyo vyavisasu chipwe kuwala weka.