Jisamu 75:1-10
-
Kalunga eji kuyulanga mwakwoloka
-
Vaka-kuhuka navakanwa lupasa lwaYehova (8)
-
Kuli mukulwane wavaka-kwimba. Samu yakwamba ngwavo, “Kanda Naunongesako.” Mwaso waAsafwe.+
75 Natukusakwililanga ove Kalunga, natukusakwililanga.Uli hakamwihi nayetu,*+Kaha vatu veji kuvilikanga milimo yove yakukomwesa.
2 Ove unambe ngwove: “Kachi nge ngunatongola lwola,Ngweji kuyulanga mwakwoloka.
3 Omu ayengunukile mavu navaze vatwamaho vosena,Ami yami ngwakwachililile jipanda jamavu.” (Sela)
4 Nangwamba kuli vaka-kulisasa ngwami, “Kanda namulisasako,”Nakuli vaka-kuhuka ngwami, “Kanda namulitukwojola hangolo* jenuko.
5 Kanda namulitukwojola chikuma hangolo* jenu,Chipwe kuhanjika nakulivwimbako.
6 Mwomwo kulitukwojola kacheshi kufumaKumututuko chipwe kumulauko chipwe kusuloko.
7 Mwomwo Kalunga ikiye Muka-kuyula.+Ikiye eji kwinyisanga mutu umwe nakuzezula mukwavo.+
8 Mulivoko lyaYehova muli lupasa,+Mulupasa kana muli vinyo vyakuchingasana kanawa vize vili nakulovola lifulu.Mwavihingununa chikupu,Kaha vaka-kuhuka vosena hamavu navanwa vinyo kana nakunwina kumwe navisele.”+
9 Oloze ami nanguvilika vyuma kana haya myaka yosena.Nangwimbila Kalunga kaYakova myaso.
10 Mwomwo nambe ngwenyi: “Nangukumisa jingolo* javaka-kuhuka,Oloze nanguzezula vaka-kwoloka hangolo* javo.”
Kwinyikila Chamwishi
^ Hepe., “Lijina lyove lili hakamwihi nayetu.”
^ Hepe., “hajimbinga.”
^ Hepe., “hajimbinga.”
^ Hepe., “Nanguteta jimbinga.”
^ Hepe., “hajimbinga.”