Jisamu 77:1-20
Kuli mukulwane wavaka-kwimba. Mwaso wakwimba naYelutune.* Samu yaAsafwe.+
77 Nanguteta kuli Kalunga nalizu lyami.Nanguteta kuli Kalunga, kaha mwangwivwa.+
2 Ngweji kutondatondanga Yehova halikumbi lyaluyando.+Ngweji kwololanga mavoko ami kuli ikiye naufuku chakuzeneka kulitwamina.*Kangute kunguvendejeka.
3 Omu ngweji kwanukanga Kalunga, ngweji kulishimwokanga.+Ngweji kulyonyinganga, kaha ngolo jeji kungukumanga.*+ (Sela)
4 Weji kunguhenyanga mumeso.Ngunapihilila, kaha ngunahono nakuhanjika.
5 Ngweji kushinganyekanga vyuma vyakushikulu,+Vyuma vyakumyaka yakunyima chikuma.
6 Ngweji kwanukanga mwaso wami* naufuku.+Ngweji kushinganyekanga mumuchima wami.+Ngweji* kuhehwojolanga kanawa.
7 Yehova mwatusuvilila haya myaka yosena tahi?+Keshi kutwivwila cheka uselewako tahi?+
8 Uno zangi yenyi yakwilila yinakumu haya myaka yosena tahi?Lushiko lwenyi kalweshi kutesamo muvisemunwino vyosenako tahi?
9 Kalunga navulyama kutwivwila uselewa nyi?+Uno matoto anamulingisa azeneke kutwivwila keke tahi? (Sela)
10 Mwomwo ikaze nangwambila lika ngwami: “Nguli nakulyonyinga kumuchima+ mwomwoOu Wakulitulaho Chikuma nalitwamina kutukafwa”?
11 Nangwanuka milimo yayove Ya.*Nangwanuka vyuma vyamwaza walingile kushikulu.
12 Nangushinganyeka hamilimo yove yosena,Nangushinganyeka havyuma unalingi.+
13 Ove Kalunga, jijila jove japwa jajila.Ove Kalunga, kalunga mukaze apwa wamunene kuhambakana ove?+
14 Ove yove Kalunga wamuchano uze eji kulinganga vyuma vyakukomwesa.+Unasolola ngolo jove kuvatu veka naveka.+
15 Unapululula* vatu jove nangolo* jove,+Unapululula vana vaYakova navana vaYosefwe. (Sela)
16 Meya akumwene, ove Kalunga,Meya akumwene, kaha andendele.+Tujinga nawa vachikimine.
17 Mavwi ahingunwine meya.Mumelu muze mwelavile mavwi mwavumine mikalateta.Kaha mivwi yove yatambukilenga noku noku.+
18 Chivumo chamukalateta wove chalilimine nge tufumbo vamatemba ajita.+Kuvesa chamiveso chamunyikile hamavu hosena.+Mavu achikimine nakundenda.+
19 Jila yove yahichile mukalungalwiji,+Jila yove yahichile mumeya amavulu.Oloze kavahashile kulandula jingano joveko.
20 Watwaminyinyine vatu jove kwijiva nge utanga wamikoko,+Hakuvahana mumavoko aMose naAlone.+
Kwinyikila Chamwishi
^ Tala Mukana waMazu.
^ Hepe., “kuzeya.”
^ Hepe., “kaha shipilitu yami yeji kuzeyanga.”
^ Chipwe “mwaso wami wakwimba nachisaji chamikole.”
^ Hepe., “Shipilitu yami yeji.”
^ “Ya” hilijina lyaYehova mukavatu.
^ Hepe., “nalivoko.”
^ Hepe., “Unasokola.”
