Jisamu 79:1-13
Samu yaAsafwe.+
79 Ove Kalunga, vaka-mafuchi eka vanalukuka uswana wove.+Vanajilulula tembele yove yajila.+Vanalingisa Yelusalema kupwa malala.+
2 Vanahane mijimba yakufwa yavangamba jove kutujila vakutuka mwilu vayilye,Vanahane nyama yavatu jove vakushishika kuvisuma vahamavu.+
3 Vanamwangila manyinga avatu jove muYelusalema mwosena,Kaha kakweshi numba umwe wakuvafundako.+
4 Vali nakutusaula kuvatu twalihata navo.+Vali nakututoleka nakutuhenda kuli vaze vatujingilika.
5 Ove Yehova, naupihililanga palanga nakumwaka uka? Haya myaka yosena tahi?+Kulundundu yove nayepukanga nge kakahya palanga nakumwaka uka?+
6 Solola utenu wove hali vaka-mafuchi eka vaze kavakutachikizako,Nahamawangana aze kaweshi kusanyika halijina lyoveko.+
7 Mwomwo vananongesa Yakova,Nakulingisa lifuchi lyenyi kupwa ngundu.+
8 Kanda nautuhana mulonga hajishili javakakuluka jetuko.+Anguhwisako ututetele,+Mwomwo tunahombo chikuma.
9 Ove Kalunga muka-kutulwila, tukafwe+Mwomwo yalijina lyove lyaupahu.Tupululule nakutukonekela* jishili jetu mwomwo yalijina lyove.+
10 Mwomwo ika vaka-mafuchi eka navambila ngwavo: “Kalunga kavo ali kulihi?”+Mana tumone omu vaka-mafuchi eka navatachikiza ngwavoUnalingi sambanjinga hamanyinga avangamba jove.+
11 Ivwa kulishimwoka chavafunge.+Zachisa ngolo* jove usokole vaze vanatongwela kufwa.*+
12 Shishishilamo vaze twatunga navo mapapa 7,+Mwomwo yakutoleka vali nakukutoleka ove Yehova.+
13 Kaha etu vatu jove, etu utanga wakuulilo wove+Natukusakwililanga haya myaka yosena.Natukwalisanga hachisemunwino hichisemunwino.+