Jisamu 8:1-9
Kuli mukulwane wavaka-kwimba. Mwaso wakwimba naNgichite.* Samu yaNdavichi.
8 Ove Mwata wetu Yehova, lijina lyove omwo lyalema hamavu hosena!Upahu wove wauhaka helu lyamelu.*+
2 Unasolola hatoma ngolo jove mutunwa twavana vavandende navakemba,+Mwomwo yavaka-kole jove,Mangana uholese muka-kole namuka-kulinga sambanjinga.
3 Omu ngweji kutalanga melu ove, milimo yaminwe yove,Kakweji navatanganyika evi unatenge,+
4 Mutu ikiye iyaze numba umwanukenga?Mwanamutu ikiye iyaze numba umuzakamenga?+
5 Wamulingishile kupwa mwishi chindende hakumwesekesa kuli vangelo,*Kaha wamuvwikile upahu naluvaji.
6 Wamuhanyine ngolo jakutala milimo yamavoko ove.+Unahake vyuma vyosena mwishi yavilyachilo vyenyi:
7 Mikoko navapembe, navangombe,Natunyama vamuchipapa nawa,+
8 Natujila vakutuka mwilu, navaishi vamukalungalwiji,Navyeshovyo vyakutambuka mutulungalwiji.
9 Ove Mwata wetu Yehova, lijina lyove omwo lyalema hamavu hosena!
Kwinyikila Chamwishi
^ Tala Mukana waMazu.
^ Chipwe pamo, “Ove ukwechi upahu wove uze veji kuvilikanga helu lyamelu.”
^ Chipwe “kuli vaze vapwa nge Kalunga.”