Jisamu 81:1-16
Kuli mukulwane wavaka-kwimba. Mwaso wakwimba naNgichite.* Samu yaAsafwe.+
81 Twilenu Kalunga jingunda, ou muka-kutuhana ngolo.+Likuwenu kuli Kalunga kaYakova.
2 Tumbulenu mwaso, mbatenu kangoma,Mbatenu kalyalya nachisaji chamikole.
3 Imbenu luneta hakumweka chakakweji,+Hakulovoka chakakweji wamuundu, halikumbi lyachiwanyino chetu.+
4 Mwomwo lunapu hilushimbi lwaIsalele,Hikuyula chaKalunga kaYakova.+
5 Achizamishile chipwenga chakwanukisa Yosefwe,+Omu ayile nakuzangamisa lifuchi lyaEjipitu.+Twevwile lizu* lize twahonene kutachikiza nalyamba ngwalyo:
6 “Ngwamifumishile viteli havifwiji vyenu.+Ngwafumishile nawa mavoko enu kumitonga.
7 Mwangusanyikile omu mwapwile muluyando, kaha ngwamipululwile.+Ngwamikumbulwile kufuma mulivwi lilava.*+Ngwamyesekele kumeya akuMeliva.*+ (Sela)
8 Ivwenu enu vatu jami, nangumyambulila unjiho.Enu vaIsalele, nachiwaha kachi nge namungwivwilila.+
9 Muli enu kamweshi kupwa kalunga wekako,Kamweshi kulifukula kukalunga wekako.+
10 Ami Yehova yami Kalunga kenu,Yami ngwamilowele mulifuchi lyaEjipitu.+Asamenu mutunwa twenu, kaha nangumilisa nakumikuchisa.+
11 Oloze vatu jami kavevwililile mulizu lyamiko.VaIsalele kavalyononwene kuli amiko.+
12 Ngocho ngwavechelele valinge mwayile michima yavo yakunjinjavala.Kaha valingile vyuma vamwene ngwavo vyakwoloka.*+
13 Kachi nge vatu jami navangwivwilila,+Kachi nge vaIsalele navatambuka mujijila jami,+
14 Kachi nangufungulula vaka-kole javo washiwashi.Kachi nangwolwela vaka-kole javo+ livoko lyami nakuvazangamisa.
15 Vaze vahunga Yehova navevwa woma kumeso enyi,Navavazangamisa haya myaka yosena.
16 Oloze enu mwamilisa* tiliku yamwaza chikuma,*+Mwamihana uchi wamulilolwa mangana mwikute.”+
Kwinyikila Chamwishi
^ Tala Mukana waMazu.
^ Chipwe “lilimi.”
^ Hepe., “kufuma muchihela chakuswama chamikalateta.”
^ Ulumbunwiso, “Kulikokojwesa.”
^ Hepe., “Kaha vatambukile mwayile vishinganyeka vyavo.”
^ Hepe., “mwamulisa,” kulumbununa vatu jaKalunga.
^ Hepe., “yakununa.”
