Jisamu 85:1-13
Kuli mukulwane wavaka-kwimba. Samu yavana vaKola.+
85 Ove Yehova, unevwila uselewa lifuchi lyove.+Unakindulwisa vana vaYakova vaze vatwalile muufunge.+
2 Unakonekela kuhenga chavatu jove.Unavakonekela* jishili javo josena.+ (Sela)
3 Watulishile matoto ove osena.Wapewile utenu wove.+
4 Ove Kalunga muka-kutulwila, tukindulwise.Kanda naupihilila lika nayetuko.+
5 Uno naupihililanga nayetu haya myaka yosena tahi?+Naukwatanga lika utenu hachisemunwino hichisemunwino tahi?
6 Kaweshi kutujikijisa chekakoMangana etu vatu jove tuwahilile muli ove tahi?+
7 Ove Yehova,+ tusolwele zangi yove yakwilila,Tulwile.
8 Nangwivwilila vyuma mwahanjika Kalunga wamuchano Yehova,Mwomwo mwahanjika vyakuunda kuli vatu jenyi+ vakushishika.Oloze kanda navapwa cheka namuchima wakulifwelela vaveneko.+
9 Chikupu vene, alizanga kulwila vaze vamwivwa woma,+Mangana upahu wenyi upwenga mulifuchi lyetu.
10 Zangi yakwilila nakushishika naviliwana.Kwoloka nakuunda navilisweswenya.+
11 Kushishika nachisoka hamavu,Kaha kwoloka nachiza hamavu kufuma mwilu.+
12 Yehova mwahana vyuma vyamwaza,*+Kaha lifuchi lyetu nalilovola jimbuto jajivulu.+
13 Kwoloka nachitambuka kulutwe lwenyi,+Nakutuva jila yavilyachilo vyenyi.