Jisamu 92:1-15
Samu. Mwaso wahalikumbi lyaSambata.
92 Ove Yehova, chapwa chamwaza kukusakwilila,+Nakwimba myaso yakwalisa lijina lyove, ove Wakulitulaho Chikuma.
2 Chapwa chamwaza kuvilika vyazangi yove yakwilila+ nachimene,Nakuvilika nawa vyakushishika chove naufuku,
3 Hakwimba chisaji chamikole likumi nachechi chamikole yitatu,Nakwimba kanawa kalyalya.+
4 Ove Yehova, unangulingisa nguwahilile mwomwo yamilimo yove.Ngweji kutwanga jingunda mwomwo yamilimo yamavoko ove.
5 Ove Yehova, milimo yove omwo yatohwa!+Vishinganyeka vyove omwo vyajiminyina!+
6 Kakweshi mutu wakuzeneka mangana nahase kuvitachikizako.Kakweshi chileya nahase kumona mwalumbunukila vyuma eviko:+
7 Omu vaka-kuhuka navasoka nge mwila,Omu vaka-kulinga mwamupi navafukila,Vali nakulinga ngocho mangana vavanongese haya myaka yosena.+
8 Oloze ove Yehova, ove wazezuka helu haya myaka yosena.
9 Ove Yehova, tala omu vaka-kole jove navavafungulula,Tala omu vaka-kole jove navanonga.Vaka-kulinga mwamupi vosena navavamwanga.+
10 Oloze nauzezula ngolo* jami ngana mwangolo jangombe wamuchipapa.Nangulikwita maji amahya.+
11 Meso ami nawamona omu vaka-kole jami navavafungulula.+Matwitwi ami nawevwa omu navalindumuka vatu vavapi vaze vali nakungulukuka.
12 Oloze vaka-kwoloka navafukila nge mikoma,Navakula nge mishitale yakuLevanone.+
13 Vavatumba muzuvo yaYehova.Veji kufukilanga muvipango vyaKalunga ketu.+
14 Navafukilanga lika namuushinakaji wavo,*+Navapwanga lika nangolo* nakupwa vavatute,+
15 Nakuvilika ngwavo Yehova apwa wakusungama.Ikiye Lilolwa lyami,+ muli ikiye kamweshi vilinga vyakuhengako.
Kwinyikila Chamwishi
^ Hepe., “lumbinga.”
^ Chipwe “nahalwola navapwa najivwi.”
^ Hepe., “Navatohwanga lika.”