Jisamu 95:1-11
95 Twayenu tutwile Yehova jingunda.Tulikuwenu kuli Lilolwa lyetu muka-kutulwila.+
2 Tuyenu kumeso enyi oku tuli nakumusakwilila.+Tumwimbilenu myaso, tulikuwenu.
3 Mwomwo Yehova apwa Kalunga wamunene,Apwa Mwangana wamunene uze ahambakana tulunga vosena.+
4 Vihela vyakukunama vyatwama mulivoko lyenyi.Jipili nawa japwa jenyi.+
5 Kalungalwiji uze atengele apwa wenyi,+Ikiye nawa atengele tunda.+
6 Twayenu tulemese Kalunga nakulifukula kuli ikiye.Tufukamenu kumeso aYehova Tengi yetu.+
7 Mwomwo ikiye Kalunga ketu,Kaha etu tuvatu vakuulilo wenyi,Tumikoko jenyi vaze azakama.*+Kachi nge likumbi lyalelo namwivwilila kulizu lyenyi,+
8 Kanda namukaluhwisa michima yenuko nge muze valingile vakakuluka jenu kuMeliva,*+Nomu valingile halikumbi lyaMasa* mupambo,+
9 Omu vangwesekele.+Vangwesekele numba tuhu vamwene milimo yami.+
10 Ngwevwilile chisemunwino kana unyengwe hamyaka 40, kaha ngwambile ngwami:“Vapwa hivatu vaze veji kuhungumukanga shimbu yosena mumichima yavo,Kaha kavatachikijile jijila jamiko.”
11 Ngocho ngwapihililile nakulishinga ngwami:“Kaveshi kukengila mukunoka chamiko.”+
Kwinyikila Chamwishi
^ Hepe., “vaze vatwama mumavoko enyi.”
^ Ulumbunwiso, “Kulikokojwesa.”
^ Ulumbunwiso, “Kweseka; Cheseko.”
