Kulava 1:1-54
1 Yehova ahanjikile kuli Mose mupambo yaShinai,+ mumbalaka yakuliwanyina,+ halikumbi lyakulivanga lyakakweji wamuchivali, mumwaka wamuchivali kufuma haze valovokele mulifuchi lyaEjipitu,+ ngwenyi:
2 “Lava+ lizavu lyavaIsalele* lyosena mutu himutu kweseka natanga yenyi, navakuzuvo yavakakuluka jenyi, kweseka nakuvula chamajina amalunga vosena.
3 Ove naAlone musoneke vosena vaze vali namyaka yakusemuka 20 nakuya kwilu+ kweseka namazavu avo,* vaze navahasa kulwa jita muIsalele.
4 “Kaha kumuyachi himuyachi mbatako lunga umwe. Lunga hilunga apwenga twamina kuzuvo yavakakuluka jenyi.+
5 Awa akiko majina amalunga vaze navakakukafwa. Kumuyachi waLuvene, Elizule+ mwanaSheteule.
6 Kumuyachi waShimeyone, Shelumyele+ mwanaZulishatai.
7 Kumuyachi waYuta, Nashone+ mwanaAminatave.
8 Kumuyachi waIsakale, Netanele+ mwanaZuwale.
9 Kumuyachi waZevulune, Elyave+ mwanaHelone.
10 Kaha kuvana vaYosefwe: kumuyachi waEfwalime,+ Elishama mwanaAmihute, kaha kumuyachi waManase, Ngamalyele mwanaPetazule.
11 Kumuyachi waMbenjamine, Avitane+ mwanaNgiteyonyi.
12 Kumuyachi waNdane, Ahyezele+ mwanaAmishatai.
13 Kumuyachi waAshele, Pangiyele+ mwanaOkolane.
14 Kumuyachi waNgate, Elyasafwe+ mwanaNduwele.
15 Kumuyachi waNafwatale, Ahila+ mwanaEnane.
16 Ava vakiko vaze vasakwile mulizavu lyosena. Vakiko vamyata+ jamiyachi yavakakuluka javo, vatwamina jamakombakaji avaIsalele.”+
17 Ngocho Mose naAlone vambachile malunga kana ava vavulukile hamajina.
18 Kaha vakungulwile lizavu lyosena hamwe halikumbi lyakulivanga lyakakweji wamuchivali, mangana valisonekese mutu himutu halijina lyenyi, hatanga yenyi, hazuvo yavakakuluka jenyi, kuputukila kuli vaze vamyaka yakusemuka 20 nakuya kwilu,+
19 nge muze Yehova alwezele Mose. Kaha avasonekele vosena mupambo yaShinai.+
20 Vana vaLuvene, vaka-tanga yatwatwa yaIsalele,+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
21 Kaha vaze vasonekele kumuyachi waLuvene vapwile 46,500.
22 Vaka-tanga yaShimeyone+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
23 Kaha vaze vasonekele kumuyachi waShimeyone vapwile 59,300.
24 Vaka-tanga yaNgate+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
25 Kaha vaze vasonekele kumuyachi waNgate vapwile 45,650.
26 Vaka-tanga yaYuta+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
27 Kaha vaze vasonekele kumuyachi waYuta vapwile 74,600.
28 Vaka-tanga yaIsakale+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
29 Kaha vaze vasonekele kumuyachi waIsakale vapwile 54,400.
30 Vaka-tanga yaZevulune+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
31 Kaha vaze vasonekele kumuyachi waZevulune vapwile 57,400.
32 Vaka-tanga yaYosefwe vaze vasemukile kuli Efwalime+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
33 Kaha vaze vasonekele kumuyachi waEfwalime vapwile 40,500.
34 Vaka-tanga yaManase+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
35 Kaha vaze vasonekele kumuyachi waManase vapwile 32,200.
36 Vaka-tanga yaMbenjamine+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
37 Kaha vaze vasonekele kumuyachi waMbenjamine vapwile 35,400.
38 Vaka-tanga yaNdane+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
39 Kaha vaze vasonekele kumuyachi waNdane vapwile 62,700.
40 Vaka-tanga yaAshele+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
41 Kaha vaze vasonekele kumuyachi waAshele vapwile 41,500.
42 Vaka-tanga yaNafwatale+ vavalavile hamajina avo, hajitanga javo, hajizuvo javakakuluka javo. Malunga vosena vamyaka yakusemuka 20 nakuya kwilu, vaze navahasa kulwa jita vavalavile mutu himutu.
43 Kaha vaze vasonekele kumuyachi waNafwatale vapwile 53,400.
44 Ava vakiko vaze valavile kuli Mose naAlone navamyata javaIsalele 12. Mwata himwata apwile nakwimanyinako vakuzuvo yavakakuluka jenyi.
45 VaIsalele vosena vamyaka yakusemuka 20 nakuya kwilu, vaze navahasa kulwa jita muIsalele vavasonekele kweseka najizuvo javakakuluka javo.
46 Kaha vosena vaze vasonekele vapwile 603,550.+
47 Oloze vaLevinyi,+ kumuyachi wavakakuluka javo kavavasonekeleko.+
48 Ngocho Yehova alwezele Mose ngwenyi:
49 “Kanda usoneka muyachi wavaLevi, chipwe kuvalavila hamwe navakwavo vaIsaleleko.+
50 Utongole vaLevi valamenga tavanaku yaUnjiho+ navinoma vyayo, navyuma vyayo vyosena.+ Vambatenga tavanaku navinoma+ vyayo vyosena,+ vazachilenga kutavanaku, nakutunga chilombo chavo kuze jingulwishi.+
51 Hakututula tavanaku, vaLevi vakiko navayishiulanga,+ kaha hakujika tavanaku, vaLevi vakiko navayitunganga. Mutu uze mwakapandamako, uze kavetavisako vakamujihe.+
52 “VaIsalele vosena vajikenga mutu himutu mbalaka yenyi muchilombo vamutongwela, mutu himutu muchilombo* chenyi chamiyachi yitatu+ kweseka namazavu avo.*
53 Kaha vaLevi vatungenga chilombo chavo kutavanaku yaUnjiho jingulwishi, mangana utenu wami uzeneke kwiza halizavu lyavaIsalele.+ VaLevi vakiko vatela kulamanga* tavanaku yaUnjiho.”+
54 VaIsalele valingile vyuma vyosena vize Yehova alwezele Mose. Valingile vene ngocho.
Kwinyikila Chamwishi
^ Hepe., “lyavana vaIsalele.”
^ Hepe., “kweseka namayongomena avo.”
^ Chipwe “muchihela chenyi (kulipandelo).”
^ Hepe., “kweseka namayongomena avo.”
^ Chipwe “kuzatanga milimo yavo.”
