Kulava 2:1-34
-
Chilombo navachilongesa muvilombo vyamiyachi yitatu (1-34)
2 Jino Yehova ahanjikile kuli Mose naAlone ngwenyi:
2 “VaIsalele vosena mutu himutu ajike mbalaka yenyi kuze kuli chilombo chenyi chamiyachi yitatu,+ kwakamwihi nachinjikizo chakuzuvo yavakakuluka jenyi. Vajike jimbalaka javo kwakulitalasana nambalaka yakuliwanyina jingulwishi.
3 “Chilombo chaYuta chamiyachi yitatu kweseka namazavu avo,* navatunganga chilombo chavo kumututuko. Mwata wavana vaYuta ikiye Nashone+ mwanaAminatave.
4 Vaze vasonekele muliyongomena lyenyi vapwile 74,600.+
5 Vaka-muyachi waIsakale vakiko navatungilanga chilombo chavo kusali yenyi yimwe. Mwata wavana vaIsakale ikiye Netanele+ mwanaZuwale.
6 Vaze vasonekele muliyongomena lyenyi vapwile 54,400.+
7 Kaha kusali yenyi yikwavo nakutungilanga vaka-muyachi waZevulune. Mwata wavana vaZevulune ikiye Elyave+ mwanaHelone.
8 Vaze vasonekele muliyongomena lyenyi vapwile 57,400.+
9 “Vosena vaze vasonekele muchilombo chaYuta vapwile 186,400 kweseka namayongomena avo. Ava vakiko navalivanganga kukatuka.+
10 “Chilombo chaLuvene+ chamiyachi yitatu kweseka namazavu avo,* navatunganga chilombo chavo kumutamba wakusulo. Mwata wavana vaLuvene ikiye Elizule+ mwanaSheteule.
11 Vaze vasonekele muliyongomena lyenyi vapwile 46,500.+
12 Vaka-muyachi waShimeyone vakiko navatungilanga chilombo chavo kusali yenyi yimwe. Mwata wavana vaShimeyone ikiye Shelumyele+ mwanaZulishatai.
13 Vaze vasonekele muliyongomena lyenyi vapwile 59,300.+
14 Kaha kusali yenyi yikwavo nakutungilanga vaka-muyachi waNgate. Mwata wavana vaNgate ikiye Elyasafwe+ mwanaLeule.
15 Vaze vasonekele muliyongomena lyenyi vapwile 45,650.+
16 “Vosena vaze vasonekele muchilombo chaLuvene vapwile 151,450 kweseka namayongomena avo. Ava vakiko vamuchivali kukatuka.+
17 “Hakututula mbalaka yakuliwanyina,+ vaka-chilombo chavaLevi vatela kupwa mukachi kavaka-vilombo vikwavo.
“Vatela kutambuka nge omu vatungila vilombo vyavo,+ mutu himutu muchihela chenyi, kweseka nachilombo chenyi chamiyachi yitatu.
18 “Chilombo chaEfwalime chamiyachi yitatu kweseka namazavu avo,* navatunganga chilombo chavo kumutamba wakumulauko. Mwata wavana vaEfwalime ikiye Elishama+ mwanaAmihute.
19 Vaze vasonekele muliyongomena lyenyi vapwile 40,500.+
20 Vaka-muyachi waManase+ vakiko navatungilanga chilombo chavo kusali yenyi yimwe. Mwata wavana vaManase ikiye Ngamalyele+ mwanaPetazule.
21 Vaze vasonekele muliyongomena lyenyi vapwile 32,200.+
22 Kaha kusali yenyi yikwavo nakutungilanga vaka-muyachi waMbenjamine. Mwata wavana vaMbenjamine ikiye Avitane+ mwanaNgiteyonyi.
23 Vaze vasonekele muliyongomena lyenyi vapwile 35,400.+
24 “Vosena vaze vasonekele muchilombo chaEfwalime vapwile 108,100 kweseka namayongomena avo. Ava vakiko vamuchitatu kukatuka.+
25 “Chilombo chaNdane chamiyachi yitatu kweseka namazavu avo,* navatunganga chilombo chavo kumutamba wakunote. Mwata wavana vaNdane ikiye Ahyezele+ mwanaAmishatai.
26 Vaze vasonekele muliyongomena lyenyi vapwile 62,700.+
27 Vaka-muyachi waAshele vakiko navatungilanga chilombo chavo kusali yenyi yimwe. Mwata wavana vaAshele ikiye Pangiyele+ mwanaOkolane.
28 Vaze vasonekele muliyongomena lyenyi vapwile 41,500.+
29 Kaha kusali yenyi yikwavo nakutungilanga vaka-muyachi waNafwatale. Mwata wavana vaNafwatale ikiye Ahila+ mwanaEnane.
30 Vaze vasonekele muliyongomena lyenyi vapwile 53,400.+
31 “Vosena vaze vasonekele muchilombo chaNdane vapwile 157,600 kweseka namayongomena avo. Ava vakiko vamakumishilo kukatuka,+ kweseka navilombo vyavo vyamiyachi yitatu.”
32 Ava vakiko vaIsalele vaze vasonekele kweseka najizuvo javakakuluka javo. Kaha kuvula chavatu vaka-kulwa jita vaze vasonekele muvilombo vapwile 603,550.+
33 Oloze vaLevi kavavalavilile+ kumwe navakwavo vaIsaleleko,+ nge muze Yehova alwezele Mose.
34 VaIsalele valingile vyuma vyosena vize Yehova alwezele Mose. Omu mukiko vatungilenga vilombo vyavo, kweseka navilombo vyavo vyamiyachi yitatu,+ nomu vakatukilenga,+ mutu himutu kweseka natanga yenyi, navakuzuvo yavakakuluka jenyi.
Kwinyikila Chamwishi
^ Hepe., “kweseka namayongomena avo.”
^ Hepe., “kweseka namayongomena avo.”
^ Hepe., “kweseka namayongomena avo.”
^ Hepe., “kweseka namayongomena avo.”
