Kulava 21:1-35
21 Omu mwangana waAlate,+ kaKanane, uze atwaminenga muNengeve evwile ngwavo vaIsalele vali nakwiza mujila yaAtalime, ayile nakuvalukuka, kaha akwachile vamwe kupwa vafunge.
2 Ngocho vaIsalele vashikile Yehova lushiko ngwavo: “Kachi nge nautuhana vatu kana ava mumavoko etu, kaha natunongesa chikupu jinganda javo.”
3 Yehova evwililile mumazu avaIsalele, ahanyine vaKanane mumavoko avo, kaha vavanongesele hohamwe najinganda javo. Ngocho valukile chihela chize ngwavo Holoma.*+
4 Omu vayilenga lika ungeji wavo kufuma kuPili yaHole+ mujila yaKalungalwiji Uchila mangana vakondoloke lifuchi lyaEtome,+ vatu* vazeyele nakutambuka.
5 Kaha vaputukile kutatwokesa Kalunga naMose+ ngwavo: “Ika mwatufumishilile muEjipitu mangana tufwile muno mupambo? Muno kamweshi vyakulya, chipwe meyako,+ kaha nawa tunahungu* vyakulya evi vyavipi.”+
6 Ngocho Yehova anehele manoka vaulembe* muli vaIsalele, vasuminenga vatu, kaha vavavulu vafwile.+
7 Jino vatu vejile kuli Mose, vamwambile ngwavo: “Tunalingi shili hakutatwokesa Yehova nayove.+ Tuhanjikileko kuli Yehova mangana afumise ava manoka muli etu.” Ngocho Mose ahanjikilileko vatu.+
8 Yehova ambile kuli Mose ngwenyi: “Tenga linoka wamalengeso waulembe,* umuhake kuchitondo. Weshowo navasuma kulinoka, atale kulinoka wamalengeso mangana ayoye.”
9 Hahaze vene Mose atengele linoka waunengu,+ amuhakile kuchitondo.+ Kaha weshowo vasumine kulinoka, nakutala kulinoka kanou waunengu, ayoyele.+
10 Kufumaho, vaIsalele vakatukile kuze, vakatungile chilombo kuOvote.+
11 Vakatukile cheka kuOvote, vakatungile chilombo kuIye-avalime,+ mupambo yize yalitalasana naMowave kumututuko.
12 Omu vakatukile kuze, vakatungile chilombo kuChinema* chaZelete.+
13 Kahomu vakatukile nawa kuze, vakatungile chilombo kungalila yaAlanone,+ yatwamina mupambo yize yaheta nakungiza yavaAmole. Mwomwo Alanone yinapu ngiza mukachi kaMowave navaAmole.
14 Shikaho mukanda waJijita jaYehova wahanjikila ngwawo: “Vaheve kuSufwa navinema* vyaAlanone,
15 namingulunga* yavinema* yize yakaheta nakuAle nakukaliwana nangiza yaMowave.”
16 Kufuma kuze, vayile kuMbele. Oku kukiko kulishima kuze Yehova alwezelele Mose ngwenyi: “Kungulula vatu mangana nguvahane meya.”
17 Halwola kana, vaIsalele vembile mwaso ngwavo:“Ove lishima, vweluka! Limbilenu mwaso!
18 Lishima eli vafulile vilolo, eli vatotele vatu vavalemu,Nambwechi yakapitau, najimbwechi javo vavene.”
Kaha vafumine mupambo, vayile kuMatana.
19 Kufuma kuMatana vayile kuNahalyele, kaha kufuma kuNahalyele vayile kuMbamote.+
20 Omu vafumine kuMbamote, vayile kuchinema chakungalila yaMowave+ helu lyapili yaPishinga+ yize yalitalasana naYeshimone.*+
21 Jino vaIsalele vatumine valuwa vakalweze Shihone mwangana wavaAmole ngwavo:+
22 “Twitavise tuhite mulifuchi lyove. Katweshi kupeukila mumande enu amivinyo chipwe mumande ekako. Kaha katweshi kunwa meya amumashima enuko. Natwijiva kuhita kaha muJila yaMwangana palanga nomu natulovoka mungalila yove.”+
23 Oloze Shihone ketavishile vaIsalele vahite mungalila yenyiko. Ngocho akungulwile vatu jenyi vosena, akikililile vaIsalele mupambo, kaha ayile kuYahaze nakuputuka kulwa navaIsalele.+
24 Kaha vaIsalele vamufungulwile najipoko jamikwale,+ vatambwile lifuchi lyenyi+ kufumisa kuAlanone+ mbwe nakuYavoke,+ kwakamwihi navaAmone. Oloze kavahambakanyine Yazeleko,+ mwomwo yalipula ngiza nangalila yavaAmone.+
25 Ngocho vaIsalele vatambwile jinganda josena, kaha vatwamine mujinganda josena javaAmole,+ namuHeshevone namujimbongi jajingilikileko josena.
26 Heshevone yapwile nganda yaShihone mwangana wavaAmole uze alwile namwangana waMowave nakutambula lifuchi lyenyi lyosena swi nakuAlanone.
27 Shikaho kwapwila kashimutwiji kakulumbilisa kakwamba ngwavo:“Twayenu kuHeshevone.Nganda yaShihone vayitunge nakuyizamisa.
28 Mwomwo kakahya kafumine muHeshevone, mulangi wafumine mumbongi yaShihone.Kanocho Ale yaMowave, vamyata javihela vyakulunduka vyakuAlanone.
29 Lamba kuli ove Mowave! Navaminongesa enu vatu jaKemoshe.+Kemoshe nalingisa vana venyi vamalunga vapwenga vaka-kukimbakimba, nalingisa nawa vana venyi vamapwevo vavakwate ufunge kuli Shihone, mwangana wavaAmole.
30 Tuvasenu,Heshevone mwanonga mbwe nakuNjivone.+Tuyinongesenu swi nakuNofwa.Kakahya nakakaheta mbwe nakuMeteva.”+
31 Ngocho vaIsalele vatwamine mulifuchi lyavaAmole.
32 Jino Mose atumine vatu vakasondwese Yazele.+ Kaha vatambwile jimbongi jajingilikileko, nakuhanga vaAmole vaze vatwaminenga kuze.
33 Kufumaho vamingulukile, vayile jila yakuya kuMbashane. Kaha Onge+ mwangana waMbashane avakikililile navatu jenyi vosena mangana alwenga navo jita kuEtelei.+
34 Jino Yehova ambile kuli Mose ngwenyi: “Kanda umwivwa womako,+ mwomwo nangumuhana mulivoko lyove, navatu jenyi vosena, nalifuchi lyenyi.+ Naumulinga nge muze walingile Shihone mwangana wavaAmole uze atwaminenga muHeshevone.”+
35 Ngocho vamujihile hohamwe navana venyi, navatu jenyi, kakwasalile mutu wenyi numba umweko.+ Kaha vamutambwile lifuchi lyenyi.+
Kwinyikila Chamwishi
^ Ulumbunwiso, “Vyuma Vyatela Kunonga.”
^ Chipwe “myono.”
^ Chipwe “tunevwila unyengwe.”
^ Chipwe “vakakahya.”
^ Chipwe “wakakahya.”
^ Chipwe “kuMwanakalwiji.”
^ Chipwe “navana vatulwiji.”
^ Chipwe “yavana vatulwiji.”
^ Hepe., “natunwa.”
^ Chipwe pamo, “nalikundu; napambo.”
