Kulava 23:1-30
23 Jino Mbalame ambile kuli Mbalaka ngwenyi: “Tunga majiko akulumbila 7+ hachihela chino, kaha nguwahishile vangombe vavakuji 7 navizamba jamikoko nawa 7.”
2 Hahaze vene Mbalaka alingile nge muze amulwezele Mbalame. Kaha Mbalaka naMbalame valumbile ngombe wakuji nachizamba chamukoko halijiko hilijiko lyakulumbila.+
3 Kaha Mbalame ambile kuli Mbalaka ngwenyi: “Imana kuno kuwana wove wakulumba, ami nguchinayi. Pamo Yehova mwahanjika nayami. Vyeshovyo mwangulweza, nangukwambulilavyo.” Ngocho Mbalame ayile helu lyapili.
4 Omu Kalunga ahanjikile naMbalame,+ Mbalame ambile kuli Kalunga ngwenyi: “Ngunatungu majiko akulumbila 7, kaha ngunalumbu ngombe wakuji nachizamba chamukoko halijiko hilijiko lyakulumbila.”
5 Yehova alwezele Mbalame+ mazu, kaha amwambile ngwenyi: “Kinduluka kuli Mbalaka, awa akiko mazu naukahanjika.”
6 Ngocho Mbalame akindulukile, kaha awanyine Mbalaka nemana kwakamwihi nawana wenyi wakulumba navilolo vakuMowave vosena.
7 Kaha Mbalame ahanjikile kashimutwiji kano ngwenyi:+“Mbalaka mwangana waMowave nangusanyika kufuma kuAlame,+Nangusanyika kufuma kujipili jakumututuko ngwenyi:‘Twaya ungwangwile Yakova.Twaya ushinge Isalele.’+
8 Nangwangula ngachilihi vaze nazeneka kwangula Kalunga?Nangushinga ngachilihi vaze nazeneka kushinga Yehova?+
9 Ngunavamono hano helu lyamalolwa,Ngunavamono hano helu lyajipili.Vatu kana vatwama kwauka wavo,+Valihandula vavene kuli vaka-mafuchi eka.+
10 Iyaze mwahasa kulava vatu jaYakova+ ava vanavulu nge usekeseke,Chipwe vene kulava chimbwa chimwe chavatu jaIsalele chakusokesa muvimbwa viwana?Mana ngufwenga nge omu veji kufwanga vaka-kusungama,Kaha makumishilo ami apwenga nge makumishilo avo.”
11 Jino Mbalaka ambile kuli Mbalame ngwenyi: “Ika unalingila chuma kanechi? Ngwakusanyikanga mangana wangule vaka-kole jami, oloze ove unavakisula.”+
12 Ikiye ambile ngwenyi: “Uno nguzeneke kuhanjika vyeshovyo nangulweze Yehova nyi?”+
13 Kaha Mbalaka amwambile ngwenyi: “Tuyenga hamwe kuchihela chikwavo kuze naukahasa kumona vatu kana. Kaweshi kukamona vosenako, oloze naukamonako vamwe kaha. Ngocho ukangwangwilevo kuze.”+
14 Kaha ayile nenyi muchipapa chaZofwime, hapili yaPishinga.+ Atungile majiko akulumbila 7, kaha alumbile ngombe wakuji nachizamba chamukoko halijiko hilijiko lyakulumbila.+
15 Mbalame ambile kuli Mbalaka ngwenyi: “Imana kuno kwakamwihi nawana wove wakulumba, shimbu nanguya kuze ngukahanjike naKalunga.”
16 Yehova alwezele Mbalame mazu, kaha amwambile ngwenyi:+ “Kinduluka kuli Mbalaka, awa akiko mazu naukahanjika.”
17 Ngocho Mbalame akindulukile, kaha awanyine Mbalaka ali nakumuvandamina kwakamwihi nawana wenyi wakulumba navilolo vakuMowave vosena. Kaha Mbalaka amwihwile ngwenyi: “Yehova nahanjika ngwenyi ika?”
18 Mbalame ahanjikile kashimutwiji kano ngwenyi:+“Ove Mbalaka, katuka wivwilile.Ngwivwilile ove mwanaJipole.
19 Kalunga kapwa nge mutuko numba ongenga,+Kaha kapwa nge mwanamutu uze eji kwalumunanga muchimako.*+Nge nahanjika vimwe, kutala keshi kuvilingako tahi?Nge nahanjika mumwe, kutala keshi kutesamoko tahi?+
20 Tala! Vanangutumu ngukisule,Ngocho Kalunga navakisula,+ kaha kangweshi kuhasa kuchalumunako.+
21 Kalunga ketavisa kuzachisa visava hali Yakovako,Kaha ketavisa luyando luwane Isaleleko.Yehova Kalunga ali navo,+Veji kumwalisanga hakupwa mwangana wavo.
22 Kalunga navalovola muEjipitu.+Napu nge jimbinga jangombe wamuchipapa kuli vakiko.+
23 Kakweshi mutu mwatahisa vitaho nakunehela Yakova lupiko,+Chipwe kutaha Isaleleko.+Halwola luno vanahase kuhanjika hali Yakova, hali Isalele ngwavo:‘Talenu vyuma nalingi Kalunga.’
24 Talenu, vatu ava navakatuka nge ndumba,Navemana ngana mwandumba.+Kaveshi kuutamako kuvanga vanali nyama yamukokaNakunwa manyinga avaze vanajihi.”
25 Kaha Mbalaka ambile kuli Mbalame ngwenyi: “Nge kaute kuvangula, kaha kanda uvakisulako.”
26 Mbalame ambile kuli Mbalaka ngwenyi: “Uno kangwakulwezeleko ngwami, ‘Nangulinga vyosena mwahanjika Yehova nyi’?”+
27 Kaha Mbalaka ambile kuli Mbalame ngwenyi: “Twaya ngukutwale kuchihela chikwavo. Pamo Kalunga wamuchano mwakachimona kupwa chakwoloka kuli ove kungwangwilavo kuze.”+
28 Ngocho Mbalaka atwalile Mbalame helu lyapili yaPeyole yize yalitalasana naYeshimone.*+
29 Mbalame ambile jino kuli Mbalaka ngwenyi: “Tunga majiko akulumbila 7 hachihela chino, kaha nguwahishile vangombe vavakuji 7 navizamba jamikoko nawa 7.”+
30 Ngocho Mbalaka alingile nge muze amulwezele Mbalame, kaha alumbile ngombe wakuji nachizamba chamukoko halijiko hilijiko lyakulumbila.
