Kulava 24:1-25
24 Omu Mbalame amwene ngwenyi Yehova nachimono kupwa chamwaza kukisula vaIsalele, kayile cheka nakutahisa vitaho vyakuneha lupiko,+ oloze atalile meso enyi kupambo.
2 Jino omu Mbalame andwile meso enyi nakumona vaIsalele vanatungu chilombo chavo kweseka namiyachi yavo,+ shipilitu yaKalunga yejile hali ikiye.+
3 Ngocho ahanjikile kashimutwiji kano ngwenyi:+“Mazu aMbalame mwanaMbeyole,Mazu alunga uze vatonesanga meso enyi,
4 Mazu ayou ali nakwivwa mazu aKalunga,Ou amonanga chakumwenesa chayou Wangolo Josena,Ou afukamanga hamavu oku vanamutonesa meso enyi:+
5 Omu jawaha jimbalaka jove, ove Yakova,Navihela vyove watwama, ove Isalele.+
6 Vinahete kwakusuku nge vinema,*+Nge matepa kuchikulo chakalwiji.Nge milowe yize natumbu Yehova,Nge mishitale yili kumeya.
7 Meya ali nakusupuka mujimbekete jenyi jivali,Kaha mbuto* jenyi vanajitumbu kumeya amavulu.+Mwangana+ wenyi mwakapwa wamulemu kuhambakana Angange,+Kaha wangana wenyi navakauzezula helu.+
8 Kalunga namulovola muEjipitu.Napu nge jimbinga jangombe wamuchipapa kuli vakiko.Mwakalya vaka-mafuchi, vaka-kumushinyinyika,+Mwakambolokota vifuwa vyavo, nakuvachika namivwi yenyi.
9 Ali nakulivemba, kaha nautama nge ndumba,Iyaze mwahasa kumusangumuna?Vaze navakukisula ove, navavakisula,Kaha vaze navakwangula ove, navavangula.”+
10 Jino Mbalaka apihililile naMbalame. Ngocho Mbalaka alingile pu mumavoko enyi. Ambile kuli Mbalame ngwenyi: “Ngwakusanyikanga mangana wangule vaka-kole jami,+ oloze ove unavakisula mapapa katatu.
11 Shikaho jino, yako kwimbo lyove oholili vene ngana. Ngwasakanga kukuvumbika mwamunene,+ oloze tala, Yehova nakuhonesa kutambula kavumbi kana.”
12 Kaha Mbalame ambile kuli Mbalaka ngwenyi: “Kangwahanjikile kuli tunganda watumineko ngwami,
13 ‘Numba nge Mbalaka mwanguhana zuvo yenyi yato yapalata naulu, kangweshi kulilingila chuma chize nachilimbalaka namazu nangulweze Yehova, numba chipwa chamwaza numba chachipiko nyi? Kangwakulwezele ngwami nanguhanjika vyeshovyo mwangulweza Yehovako tahi’?+
14 Shikaho jino, nguli nakuya kuli vatu jami. Twaya ngukulweze vyuma navakalinga ava vatu kuvatu jove kumakumbi akulutwe.”*
15 Ngocho ahanjikile kashimutwiji kano ngwenyi:+“Mazu aMbalame mwanaMbeyole,Mazu alunga uze vatonesanga meso enyi.+
16 Mazu ayou ali nakwivwa mazu aKalunga,Ou ali nachinyingi chayou Wakulitulaho Chikuma,Ou amonanga chakumwenesa chayou Wangolo JosenaOmu afukamanga hamavu oku vanamutonesa meso enyi:
17 Nangumumona, oloze keshi oholyapwako,Nangumumona, oloze keshi kalinwahako.Kuli Yakova nakukafuma tanganyika,+Kuli Isalele+ nakukafuma mbwechi.+Kaha mwakachika luholo lwaMowave*+Nachikola chavana vavikokojola vosena.
18 Kaha Etome mwakapwa luheto lwenyi,+Seile+ mwakapwa luheto lwavaka-kole jenyi,+Omu Isalele mwakalinga vyaungazule.
19 Muli Yakova namukafuma umwe mwakafungululanga,+Kaha mwakanongesa weshowo mwakasala munganda.”
20 Omu Mbalame amwene Amaleke, ahanjikile cheka kashimutwiji kano ngwenyi:“Amaleke apwile wakulivanga hali vaka-mafuchi,+Oloze hakukuminyina mwakanonga.”+
21 Kahomu amwene vaKene,+ ahanjikile cheka kashimutwiji kano ngwenyi:“Chihela watwamaho chakukola, chihela chove chatwama halilolwa.
22 Chipwe ngocho, Kaine* navakamwocha.Uno kunasale myaka yingahi numba Asulya akutwale muufunge?”
23 Kaha Mbalame ahanjikile cheka kashimutwiji kano ngwenyi:“Mama lelo! Iya mwakayovoka omu Kalunga mwakalinga vyuma kanevi?
24 Mato nawakafuma kuKichime,+Kaha navakayanjisa Asulya,+Navakayanjisa nawa Evele.Oloze naikiye mwakanonga chikupu.”
25 Jino Mbalame+ akatukile, akindulukile kwimbo lyenyi. Kaha naMbalaka nawa aliyililile kwenyi.
Kwinyikila Chamwishi
^ Chipwe “vana vatulwiji.”
^ Chipwe “vaka-tanga.”
^ Chipwe “kumakumbi akusongo.”
^ Chipwe “mwakachika mumbalakavachingule yaMowave.”
^ Kulumbununa, muyachi wavaKene.
