Kulava 26:1-65
-
Kulava miyachi yavaIsalele kamuchivali (1-65)
26 Omu wakumine uze musongo wachihita,+ Yehova ambile kuli Mose naEleyaza mwanakapilishitu Alone ngwenyi:
2 “Mulizavu lyavaIsalele lyosena lavenumo vaze vali namyaka yakusemuka 20 nakuya kwilu kweseka najizuvo javakakuluka javo, mulave vosena vaze navahasa kulwa jita muIsalele.”+
3 Ngocho Mose nakapilishitu Eleyaza+ vahanjikile navo mulikundu lyaMowave+ kwakamwihi naYotau kwakulitalasana naYeliko+ ngwavo:
4 “Lavenu vaze vali namyaka yakusemuka 20 nakuya kwilu, nge muze Yehova nalweze Mose.”+
Ava vakiko vaIsalele vaze vafumine mulifuchi lyaEjipitu:
5 Vana+ vasemukile kuli Luvene+ mwanaIsalele watwatwa vapwile, Hanoke kuze kwafumine tanga yavaHanoke, naPalu kuze kwafumine tanga yavaPalu,
6 naHezelone kuze kwafumine tanga yavaHezelone, naKalami kuze kwafumine tanga yavaKalami.
7 Eji jikiko japwile jitanga javaLuvene, kaha vaze vasonekele vapwile 43,730.+
8 Mwana Palu apwile Elyave.
9 Kaha vana vaElyave vapwile Nemwele, naNdatane, naAvilame. Ndatane naAvilame vapwile vakusakula halizavu. Ava vakiko valipikile naMose+ naAlone hakulikundwiza nalizavu lyaKola+ lize lyalipikile naYehova.+
10 Kaha mavu asamine nakuvamina. Oloze Kola afwile hamwe navaze vamukundwijile omu kakahya kanongesele malunga 250.+ Ngocho vapwile vakutalilaho.+
11 Oloze vana vaKola kavafwileko.+
12 Vana vaShimeyone+ kweseka najitanga javo vapwile: Nemwele kuze kwafumine tanga yavaNemwele, naYamine kuze kwafumine tanga yavaYamine, naYakine kuze kwafumine tanga yavaYakine,
13 naZela kuze kwafumine tanga yavaZela, naShaulu kuze kwafumine tanga yavaShaulu.
14 Eji jikiko japwile jitanga javaShimeyone, vapwile 22,200.+
15 Vana vaNgate+ kweseka najitanga javo vapwile: Zefwone kuze kwafumine tanga yavaZefwone, naHangi kuze kwafumine tanga yavaHangi, naShunyi kuze kwafumine tanga yavaShunyi,
16 naOzonyi kuze kwafumine tanga yavaOzonyi, naEli kuze kwafumine tanga yavaEli,
17 naAlote kuze kwafumine tanga yavaAlote, naAleli kuze kwafumine tanga yavaAleli.
18 Eji jikiko japwile jitanga javana vaNgate, kaha vaze vasonekele vapwile 40,500.+
19 Vana vaYuta+ vapwile Ele naOnane.+ Oloze Ele naOnane vafwililile mulifuchi lyaKanane.+
20 Kaha vana vaYuta vakwavo kweseka najitanga javo vapwile: Shela+ kuze kwafumine tanga yavaShela, naPeleze+ kuze kwafumine tanga yavaPeleze, naZela+ kuze kwafumine tanga yavaZela.
21 Kaha vana vaPeleze vapwile: Hezelone+ kuze kwafumine tanga yavaHezelone, naHamule+ kuze kwafumine tanga yavaHamule.
22 Eji jikiko japwile jitanga javaYuta, kaha vaze vasonekele vapwile 76,500.+
23 Vana vaIsakale+ kweseka najitanga javo vapwile: Tola+ kuze kwafumine tanga yavaTola, naPuva kuze kwafumine tanga yavaPuva,
24 naYashuve kuze kwafumine tanga yavaYashuve, naShimilone kuze kwafumine tanga yavaShimilone.
25 Eji jikiko japwile jitanga javaIsakale, kaha vaze vasonekele vapwile 64,300.+
26 Vana vaZevulune+ kweseka najitanga javo vapwile: Selete kuze kwafumine tanga yavaSelete, naElone kuze kwafumine tanga yavaElone, naYalele kuze kwafumine tanga yavaYalele.
27 Eji jikiko japwile jitanga javaZevulune, kaha vaze vasonekele vapwile 60,500.+
28 Vana vaYosefwe+ kweseka najitanga javo vapwile Manase naEfwalime.+
29 Vana vaManase+ vapwile: Makile+ kuze kwafumine tanga yavaMakile. Kaha Makile asemene Ngileyate+ kuze kwafumine tanga yavaNgileyate.
30 Kaha vana vaNgileyate vapwile: Yezele kuze kwafumine tanga yavaYezele, naHeleke kuze kwafumine tanga yavaHeleke,
31 naAsalyele kuze kwafumine tanga yavaAsalyele, naShekeme kuze kwafumine tanga yavaShekeme,
32 naShemita kuze kwafumine tanga yavaShemita, naHefwele kuze kwafumine tanga yavaHefwele.
33 Jino Zelofwehate mwanaHefwele kapwile navana vamalungako, shina vamapwevo kaha.+ Majina avana vaZelofwehate+ vapwile Mala, naNowa, naHongola, naMilika, naChiliza.
34 Eji jikiko japwile jitanga javaManase, kaha vaze vasonekele vapwile 52,700.+
35 Vana vaEfwalime+ kweseka najitanga javo vapwile: Shutela+ kuze kwafumine tanga yavaShutela, naMbekele kuze kwafumine tanga yavaMbekele, naTahane kuze kwafumine tanga yavaTahane.
36 Kaha vana vaShutela vapwile: Elane kuze kwafumine tanga yavaElane.
37 Eji jikiko japwile jitanga javana vaEfwalime, kaha vaze vasonekele vapwile 32,500.+ Ava vakiko vapwile vana vaYosefwe kweseka najitanga javo.
38 Vana vaMbenjamine+ kweseka najitanga javo vapwile: Mbela+ kuze kwafumine tanga yavaMbela, naAshavele kuze kwafumine tanga yavaAshavele, naAhilame kuze kwafumine tanga yavaAhilame,
39 naShefufwame kuze kwafumine tanga yavaShefufwame, naHufwame kuze kwafumine tanga yavaHufwame.
40 Vana vaMbela vapwile Alate naNamane.+ Kaha kuli Alate kukiko kwafumine tanga yavaAlate. Kuli Namane kukiko kwafumine tanga yavaNamane.
41 Eji jikiko japwile jitanga javana vaMbenjamine, kaha vaze vasonekele vapwile 45,600.+
42 Vana vaNdane+ kweseka najitanga javo vapwile: Shuhame kuze kwafumine tanga yavaShuhame. Eji jikiko japwile jitanga javaNdane kweseka najitanga javo.
43 Vaze vasonekele kujitanga javaShuhame josena vapwile 64,400.+
44 Vana vaAshele+ kweseka najitanga javo vapwile: Imina kuze kwafumine tanga yavaImina, naIshivi kuze kwafumine tanga yavaIshivi, naMbeliya kuze kwafumine tanga yavaMbeliya.
45 Kaha vana vaMbeliya vapwile: Hevele kuze kwafumine tanga yavaHevele, naMalakiyele kuze kwafumine tanga yavaMalakiyele.
46 Lijina lyamwanaAshele wapwevo ikiye Sela.
47 Eji jikiko japwile jitanga javana vaAshele, kaha vaze vasonekele vapwile 53,400.+
48 Vana vaNafwatale+ kweseka najitanga javo vapwile: Yazele kuze kwafumine tanga yavaYazele, naNgunyi kuze kwafumine tanga yavaNgunyi,
49 naYezele kuze kwafumine tanga yavaYezele, naShileme kuze kwafumine tanga yavaShileme.
50 Eji jikiko japwile jitanga javaNafwatale kweseka najitanga javo, kaha vaze vasonekele vapwile 45,400.+
51 VaIsalele vosena vaze vasonekele vapwile 601,730.+
52 Kufumaho Yehova ambile kuli Mose ngwenyi:
53 “Ava vakiko naukapulila lifuchi kupwa uswana wavo kweseka namajina avo vanasoneka.+
54 Mazavu amanene ukawahane chazano chachinene chauswana, kaha mazavu amandende ukawahane chazano chachindende chauswana.+ Chazano chalizavu hilizavu chikapwe kweseka nakuvula chavatu vanasoneka.
55 Oloze lifuchi vakalipulilelyo kuzachisa tutachikijilo.+ Kaha vakatambule uswana wavo kweseka namajina amiyachi yavakakuluka javo.
56 Uswana vakaupangile kuzachisa tutachikijilo, kaha mazavu amanene vakawahane chazano chachinene, kaha mazavu amandende vakawahane chazano chachindende.”
57 Jino vaze vasonekele hali vaLevi+ kweseka najitanga javo vapwile: Ngeleshone kuze kwafumine tanga yavaNgeleshone, naKohate+ kuze kwafumine tanga yavaKohate, naMelali kuze kwafumine tanga yavaMelali.
58 Eji jikiko jitanga javaLevi: tanga yavaLivinyi,+ natanga yavaHevelone,+ natanga yavaMali,+ natanga yavaMushi,+ natanga yavaKola.+
Kohate asemene Amalame.+
59 Lijina lyapwevo lyaAmalame apwile ikiye Yokevete+ mwanaLevi uze asemenene muEjipitu. Kaha pwevo lyenyi asemene Alone, naMose, nandumbwavo wapwevo Milyame.+
60 Kaha Alone asemene Natave, naAvihu, naEleyaza, naItamale.+
61 Oloze Natave naAvihu vafwile hakuneha kakahya kumeso aYehova+ kaze kavetavishileko.
62 Malunga vosena vaze vasonekele kuputukila kuli ou wakakweji umwe nakuya kwilu+ vapwile 23,000. VaLevi kavavalavilile kumwe navakwavo vaIsaleleko,+ mwomwo kavavahanyine uswana muli vaIsaleleko.+
63 Ava vakiko vaze vasonekele kuli Mose nakapilishitu Eleyaza omu valavile vaIsalele mulikundu lyaMowave kwakamwihi naYotau kwakulitalasana naYeliko.
64 Oloze hali ava kahapwile mutu numba umwe wahali vaIsalele vaze valavile kuli Mose nakapilishitu Alone mupambo yaShinaiko.+
65 Mwomwo Yehova ahanjikile hali vakiko ngwenyi: “Navakafwa chakufwa mupambo.”+ Ngocho kakwasalile mutu numba umwe hali vakikoko, shina Kaleve mwanaYefune naYoshuwa mwanaNune+ kaha.
