Kulava 29:1-40
29 “‘Hakakweji wakusokesa 7, halikumbi lyakulivanga lyakakweji kanou, mukapwe nakukunguluka chajila. Kanda namukazata milimo yakulikanyako.+ Halikumbi kana mukemba jineta.+
2 Mukahana livuvu lyangombe wakuji umwe, nachizamba chamukoko umwe, navana vamikoko vavizamba 7 vamwaka umwe kupwa wana wakulumba walivumba lyalupengopengo* kuli Yehova. Vimuna vosena vakapwe valambwe.
3 Mukavahanyina kumwe nawana wamanona waunga wamwaza wakuchingasana namaji. Ukapwe vimbwa vitatu vyakusokesa muvimbwa 10 vyalifwa hangombe wakuji, navimbwa vivali vyakusokesa muvimbwa 10 hamukoko wachizamba,
4 nachimbwa chimwe chakusokesa muvimbwa 10 hamwanamukoko hamwanamukoko wavaze vizamba jamikoko 7.
5 Mukahana nawa mwanapembe umwe wachizamba kupwa wana wahashili wakumilingila chakufwika hashili yenu.
6 Mukahana vimuna kanava, kuhakila kuwana wakulumba wahakakweji hakakweji nawana wawo wamanona,+ nakuwana wakulumba wahakumbi hakumbi nawana wawo wamanona+ nawana wavinyo+ kweseka najindongi jakuvihanyinamo kupwa wana wakwocha hakakahya walivumba lyalupengopengo* kuli Yehova.
7 “‘Halikumbi lyakusokesa 10 lyakakweji kanou wakusokesa 7, mukapwa nakukunguluka chajila,+ kaha mukaliyanjisa enu vavene.* Kanda namukazata milimoko.+
8 Mukahana livuvu lyangombe wakuji umwe, nachizamba chamukoko umwe, navana vamikoko vavizamba 7 vamwaka umwe kupwa wana wakulumba walivumba lyalupengopengo* kuli Yehova. Vimuna vosena vakapwe valambwe.+
9 Mukavahanyina kumwe nawana wamanona waunga wamwaza wakuchingasana namaji. Ukapwe vimbwa vitatu vyakusokesa muvimbwa 10 vyalifwa hangombe wakuji, navimbwa vivali vyakusokesa muvimbwa 10 hamukoko wachizamba,
10 nachimbwa chimwe chakusokesa muvimbwa 10 hamwanamukoko hamwanamukoko wavaze vizamba jamikoko 7.
11 Mukahana nawa mwanapembe umwe wachizamba kupwa wana wahashili, wakuhakila kuwana wahashili wakulinga chakufwika hashili,+ nakuwana wakulumba wahakumbi hakumbi nawana wawo wamanona, nawana wavinyo.
12 “‘Halikumbi lyakusokesa 15 lyakakweji kanou wakusokesa 7, mukapwa nakukunguluka chajila. Kanda namukazata milimo yakulikanyako. Mukalingile Yehova chiwanyino hamakumbi 7.+
13 Mukahana mavuvu javangombe vavakuji 13, navizamba jamikoko vavali, navana vamikoko vavizamba 14 vamwaka umwe kupwa wana wakulumba,+ wakwocha hakakahya walivumba lyalupengopengo* kuli Yehova. Vimuna vosena vakapwe valambwe.+
14 Mukavahanyina kumwe nawana wamanona waunga wamwaza wakuchingasana namaji. Ukapwe vimbwa vitatu vyakusokesa muvimbwa 10 vyalifwa hangombe hangombe wavaze vangombe vavakuji 13, navimbwa vivali vyakusokesa muvimbwa 10 hamukoko hamukoko wavaze vizamba jamikoko vavali,
15 nachimbwa chimwe chakusokesa muvimbwa 10 hamwanamukoko hamwanamukoko wavaze vizamba jamikoko 14.
16 Mukahana nawa mwanapembe umwe kupwa wana wahashili, wakuhakila kuwana wakulumba wahakumbi hakumbi nawana wawo wamanona nawana wavinyo.+
17 “‘Halikumbi lyamuchivali, mukahana mavuvu javangombe vavakuji 12, navizamba jamikoko vavali, navana vamikoko vavizamba 14 vamwaka umwe. Vosena vakapwe valambwe.+
18 Vangombe kana, navizamba jamikoko, navana vamikoko vavizamba mukavahanyina kumwe nawana wamanona, nawana wavinyo kweseka nakuvula chavo najindongi jakuvahanyinamo.
19 Mukahana nawa mwanapembe umwe kupwa wana wahashili, wakuhakila kuwana wakulumba wahakumbi hakumbi nawana wawo wamanona, nawana wavinyo.+
20 “‘Halikumbi lyamuchitatu, mukahana vangombe vavakuji 11, navizamba jamikoko vavali, navana vamikoko vavizamba 14 vamwaka umwe. Vosena vakapwe valambwe.+
21 Vangombe kana, navizamba jamikoko, navana vamikoko vavizamba mukavahanyina kumwe nawana wamanona, nawana wavinyo kweseka nakuvula chavo najindongi jakuvahanyinamo.
22 Mukahana nawa mwanapembe umwe kupwa wana wahashili, wakuhakila kuwana wakulumba wahakumbi hakumbi nawana wawo wamanona nawana wavinyo.+
23 “‘Halikumbi lyamuchiwana, mukahana vangombe vavakuji 10, navizamba jamikoko vavali, navana vamikoko vavizamba 14 vamwaka umwe. Vosena vakapwe valambwe.+
24 Vangombe kana, navizamba jamikoko, navana vamikoko vavizamba mukavahanyina kumwe nawana wamanona, nawana wavinyo kweseka nakuvula chavo najindongi jakuvahanyinamo.
25 Mukahana nawa mwanapembe umwe kupwa wana wahashili, wakuhakila kuwana wakulumba wahakumbi hakumbi nawana wawo wamanona, nawana wavinyo.+
26 “‘Halikumbi lyamuchitanu, mukahana vangombe vavakuji 9, navizamba jamikoko vavali, navana vamikoko vavizamba 14 vamwaka umwe. Vosena vakapwe valambwe.+
27 Vangombe kana, navizamba jamikoko, navana vamikoko vavizamba mukavahanyina kumwe nawana wamanona, nawana wavinyo kweseka nakuvula chavo najindongi jakuvahanyinamo.
28 Mukahana nawa mwanapembe umwe kupwa wana wahashili, wakuhakila kuwana wakulumba wahakumbi hakumbi nawana wawo wamanona, nawana wavinyo.+
29 “‘Halikumbi lyakusokesa 6, mukahana vangombe vavakuji 8, navizamba jamikoko vavali, navana vamikoko vavizamba 14 vamwaka umwe. Vosena vakapwe valambwe.+
30 Vangombe kana, navizamba jamikoko, navana vamikoko vavizamba mukavahanyina kumwe nawana wamanona, nawana wavinyo kweseka nakuvula chavo najindongi jakuvahanyinamo.
31 Mukahana nawa mwanapembe umwe kupwa wana wahashili, wakuhakila kuwana wakulumba wahakumbi hakumbi nawana wawo wamanona, nawana wavinyo.+
32 “‘Halikumbi lyakusokesa 7, mukahana vangombe vavakuji 7, navizamba jamikoko vavali, navana vamikoko vavizamba 14 vamwaka umwe. Vosena vakapwe valambwe.+
33 Vangombe kana, navizamba jamikoko, navana vamikoko vavizamba mukavahanyina kumwe nawana wamanona, nawana wavinyo kweseka nakuvula chavo najindongi jakuvahanyinamo.
34 Mukahana nawa mwanapembe umwe kupwa wana wahashili, wakuhakila kuwana wakulumba wahakumbi hakumbi nawana wawo wamanona, nawana wavinyo.+
35 “‘Halikumbi lyakusokesa 8, mukapwa nakukunguluka chajila. Kanda namukazata milimo yakulikanyako.+
36 Mukahana ngombe wakuji umwe, nachizamba chamukoko umwe, navana vamikoko vavizamba 7 vamwaka umwe kupwa wana wakulumba walivumba lyalupengopengo* kuli Yehova. Vimuna vosena vakapwe valambwe.+
37 Ngombe kana, nachizamba chamukoko, navana vamikoko vavizamba mukavahanyina kumwe nawana wamanona, nawana wavinyo kweseka nakuvula chavo najindongi jakuvahanyinamo.
38 Mukahana nawa mwanapembe umwe kupwa wana wahashili, wakuhakila kuwana wakulumba wahakumbi hakumbi nawana wawo wamanona, nawana wavinyo.+
39 “‘Evi vikiko namukahana kuli Yehova haviwanyino vyenu vyamumwaka+ kupwa wana wenu wakulumba,+ nawana wenu wamanona,+ nawana wenu wavinyo,+ nawana wenu wakusolola kuunda,+ kuhakila kumawana enu alushiko,+ namawana enu akulisakila.’”+
40 Ngocho Mose alwezele vaIsalele vyuma vyosena vize vamulwezele kuli Yehova.
Kwinyikila Chamwishi
^ Chipwe “lyakusuulwisa; lyakwivwisa kuwaha.”
^ Chipwe “lyakusuulwisa; lyakwivwisa kuwaha.”
^ Chipwe “mukayanjisa myono yenu.” Mutu “kuliyanjisa ivene” chikwechi ulumbunwiso wauvulu wakulikanyisa mutu ivene, kuhakilako nakulitwamina kulya.
^ Chipwe “lyakusuulwisa; lyakwivwisa kuwaha.”
^ Chipwe “lyakusuulwisa; lyakwivwisa kuwaha.”
^ Chipwe “lyakusuulwisa; lyakwivwisa kuwaha.”
