Kulava 33:1-56
33 Omu mukiko vatambukile vaIsalele omu valovokele mulifuchi lyaEjipitu+ kweseka namazavu avo*+ hakuvatwaminyina kuli Mose naAlone.+
2 Mose asonekelenga vihela vize vafuminenga kweseka nomu vatambukilenga ungeji wavo nge omu amulwezele Yehova. Omu mukiko vatambukilenga kufuma hachihela chimwe nakuya hachihela chikwavo.+
3 Vakatukile kuLamesese+ mukakweji wakulivanga, halikumbi lyakusokesa 15 lyakakweji kana.+ Halikumbi kaneli omu yakumine Paseka,+ vaIsalele valovokele namuchima umwe* hameso avaEjipitu vosena.
4 Halwola kanelu vaEjipitu vapwile nakufunda vatwatwa javo vosena vaze ajihile Yehova muli vakiko.+ Yehova azangamishile natulunga twavo.+
5 VaIsalele vakatukile kuLamesese, vakatungile chilombo chavo kuSukote.+
6 Kaha vakatukile kuSukote, vakatungile chilombo chavo kuEtame,+ kusembwa yapambo.
7 Omu vakatukile kuEtame, vamingulukile nakuya kuPihahilote kwakulitalasana naMbale-zefwone,+ kaha vakatungile chilombo chavo kwakamwihi naMingitole.+
8 Kaha vakatukile kuPihahilote, vahichile mukachi kakalungalwiji+ nakulovokela kupambo.+ Vatambukile ungeji wamakumbi atatu mupambo yaEtame,+ kaha vakatungile chilombo chavo kuMala.+
9 Kaha vakatukile kuMala, vakahetele kuElime. Jino kuElime kwapwile tuselwoke vameya 12 namikoma 70, ngocho vatungile chilombo chavo kuze.+
10 Kufumaho vakatukile kuElime, vakatungile chilombo chavo kuKalungalwiji Uchila.
11 Vakatukile kuKalungalwiji Uchila, vakatungile chilombo chavo mupambo yaShine.+
12 Kaha vakatukile mupambo yaShine, vakatungile chilombo chavo kuNdofwoka.
13 Vakatukile kuNdofwoka, vakatungile chilombo chavo kuAlushe.
14 Kaha vakatukile kuAlushe, vakatungile chilombo chavo kuLefwichime+ kuze kwazenekele meya akunwa vatu.
15 Kufumaho vakatukile kuLefwichime, vakatungile chilombo chavo mupambo yaShinai.+
16 Vakatukile mupambo yaShinai, vakatungile chilombo chavo kuKivilote-hatava.+
17 Kaha vakatukile kuKivilote-hatava, vakatungile chilombo chavo kuHazelote.+
18 Kufumaho vakatukile kuHazelote, vakatungile chilombo chavo kuLichima.
19 Vakatukile kuLichima, vakatungile chilombo chavo kuLimone-peleze.
20 Kaha vakatukile kuLimone-peleze, vakatungile chilombo chavo kuLivina.
21 Vakatukile kuLivina, vakatungile chilombo chavo kuLisa.
22 Kaha vakatukile kuLisa, vakatungile chilombo chavo kuKehelata.
23 Kufumaho vakatukile kuKehelata, vakatungile chilombo chavo kuPili yaShefwele.
24 Vakatukile kuPili yaShefwele, vakatungile chilombo chavo kuHalata.
25 Kaha vakatukile kuHalata, vakatungile chilombo chavo kuMakelote.
26 Kufumaho vakatukile+ kuMakelote, vakatungile chilombo chavo kuTahate.
27 Vakatukile kuTahate, vakatungile chilombo chavo kuTela.
28 Kaha vakatukile kuTela, vakatungile chilombo chavo kuMichika.
29 Vakatukile kuMichika, vakatungile chilombo chavo kuHashamona.
30 Kaha vakatukile kuHashamona, vakatungile chilombo chavo kuMosela.
31 Vakatukile kuMosela, vakatungile chilombo chavo kuMbene-yakane.+
32 Kufumaho vakatukile kuMbene-yakane, vakatungile chilombo chavo kuHole-hangitangate.
33 Kaha vakatukile kuHole-hangitangate, vakatungile chilombo chavo kuYotovata.+
34 Vakatukile kuYotovata, vakatungile chilombo chavo kuAvalona.
35 Kaha vakatukile kuAvalona, vakatungile chilombo chavo kuEjone-ngevele.+
36 Kufumaho vakatukile kuEjone-ngevele, vakatungile chilombo chavo mupambo yaJine,+ chipwe ngwavo Kateshe.
37 Vakatukile kuKateshe, vakatungile chilombo chavo kuPili yaHole,+ kungiza yalifuchi lyaEtome.
38 Jino kapilishitu Alone akandukile kuPili yaHole nge muze amulwezele Yehova, kaha afwililile kuze mukakweji wamuchitanu halikumbi lyakulivanga lyakakweji kana mumwaka wakusokesa 40 kufuma haze valovokele vaIsalele mulifuchi lyaEjipitu.+
39 Alone apwile namyaka yakusemuka 123 omu afwile haPili yaHole.
40 Mwangana waAlate,+ kaKanane, uze atwaminenga muNengeve mulifuchi lyaKanane evwile ngwavo vaIsalele vali nakwiza.
41 Kaha vaIsalele vakatukile kuPili yaHole,+ vakatungile chilombo chavo kuZalamona.
42 Kufumaho vakatukile kuZalamona, vakatungile chilombo chavo kuPunone.
43 Vakatukile kuPunone, vakatungile chilombo chavo kuOvote.+
44 Kaha vakatukile kuOvote, vakatungile chilombo chavo kuIye-avalime* kungiza yaMowave.+
45 Vakatukile kuIyime, vakatungile chilombo chavo kuNjivone-ngate.+
46 Kufumaho vakatukile kuNjivone-ngate, vakatungile chilombo chavo kuAlamone-njivilataime.
47 Vakatukile kuAlamone-njivilataime, vakatungile chilombo chavo kujipili jaAvalime+ kwakamwihi naNevo.+
48 Kukuminyinako, vakatukile kujipili jaAvalime, vakatungile chilombo chavo mulikundu lyaMowave kwakamwihi naYotau kwakulitalasana naYeliko.+
49 Vatwaminenga lika kuchikulo chaYotau, kufuma kuMbete-yeshimote swi nakuAvele-shichime+ kulikundu lyaMowave.
50 Jino Yehova ambile kuli Mose mulikundu lyaMowave kwakamwihi naYotau kwakulitalasana naYeliko ngwenyi:
51 “Hanjika kuli vaIsalele ngwove, ‘Hinamuzauka jino Yotau nakwingila mulifuchi lyaKanane.+
52 Ngocho kahangenu vatu vosena vaze vatwama mulifuchi kana, kachikenu nawa vifwanyisa vyavo vyamalolwa,+ natuponya vakuzuzulula,+ nakushiula vihela vyavo vyakulunduka vyakulemesela.+
53 Kahenu namukaheta lifuchi kana nakutwamamo, mwomwo nangumihana chikupu lifuchi kana kupwa luheto lwenu.+
54 Lifuchi kana vakalipulilelyo kuzachisa tutachikijilo+ mangana likapwe luheto mujitanga jenu. Mazavu amanene mukawahane chazano chachinene chauswana, kaha mazavu amandende mukawahane chazano chachindende chauswana.+ Cheshocho chihela nahakaholokela katachikijilo, chikiko nachikapwa uswana wamutu. Namukatambula mavu kupwa uswana wenu kweseka namiyachi yavakakuluka jenu.+
55 “‘Kachi nge kamweshi kukahanga vatu vosena mulifuchi kanako,+ kaha vaze namukasezamo navakapwa nge viswaswa mumeso enu, nge mingonga kujihachi jenu, kaha navakamiyanjisanga mulifuchi lize namukatwama.+
56 Ngocho nangukamilinga nge muze ngwajinyine kuvalinga vakiko.’”+
Kwinyikila Chamwishi
^ Hepe., “kweseka namayongomena avo.”
^ Hepe., “namavoko akuzundula helu.”
^ Muvesi 45, chihela kana vachivuluka ngwavo Iyime.
