Kulava 7:1-89
-
Mawana akukunjika tavanaku (1-89)
7 Halikumbi lize Mose akumishile kutunga tavanaku,+ ayiwavishile+ nakuyijilika hohamwe navyuma vyayo vyosena, nalijiko lyakulumbila, navinoma vyalyo vyosena.+ Kahomu alingile hanaviwavisa lyehi nakuvijilika,+
2 vamyata javaIsalele,+ vatwamina vajizuvo javakakuluka javo vahanyine wana. Ava vamyata jamiyachi vaze vatetekelele mulimo wakusoneka,
3 vahanyine wana wavo kumeso aYehova. Vahanyine matemba akufwika 6, navangombe 12. Vamyata vavali vavali vahanyine litemba limwe limwe, kaha nawa vosena vahanyine ngombe umwe umwe, vavinehele kutavanaku.
4 Jino Yehova ambile kuli Mose ngwenyi:
5 “Tambula vyumevi vananehe, mangana vavizachisenga kumilimo yakumbalaka yakuliwanyina. Uvihane kuli vaLevi, mutu himutu kutesa namilimo yenyi.”
6 Ngocho Mose atambwile aze matemba navangombe, avihanyine kuli vaLevi.
7 Ahanyine matemba avali navangombe vawana kuli vana vaNgeleshone kutesa namilimo yavo.+
8 Kaha ahanyine matemba awana navangombe 8 kuli vana vaMelali kutesa namilimo yavo yize vatwaminyinyinenga kuli Itamale mwanakapilishitu Alone.+
9 Oloze vana vaKohate kavahanyine chuma numba chimweko, mwomwo milimo yavo yapwile yakuzachila muchihela chajila,+ kaha vambachilenga vyuma vyajila havifwiji vyavo.+
10 Jino vamyata vahanyine wana wavo wakukunjikisa+ lijiko lyakulumbila, halikumbi lize valiwavishile. Omu vamyata vahanyine wana wavo kulijiko lyakulumbila,
11 Yehova ambile kuli Mose ngwenyi: “Mwata himwata ahane wana wenyi wakukunjikisa lijiko lyakulumbila. Mwata umwe halikumbi, mwata umwe halikumbi, hamakumbi akulikavangiza.”
12 Nashone+ mwanaAminatave, wakumuyachi waYuta, ikiye ahanyine wana halikumbi lyakulivanga.
13 Ahanyine lilonga lyapalata limwe lyakulema jishekele* 130, nachiloso chapalata chimwe chakulema jishekele 70 nge kutesa nakulema chashekele yamuchihela chajila.*+ Vyosena vivali vyazalile naunga wamwaza wakuchingasana namaji kupwa wana wamanona.+
14 Ahanyine nawa lupasa* lwaulu lumwe lwakulema jishekele 10 lwakuzala navyuma vyalivumba lyamwaza,
15 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
16 Kaha ahanyine mwanapembe umwe kupwa wana wahashili.+
17 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Nashone mwanaAminatave.+
18 Halikumbi lyamuchivali, Netanele+ mwanaZuwale, mwata wamuyachi waIsakale ahanyine wana wenyi.
19 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
20 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
21 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
22 Kaha ahanyine mwanapembe umwe kupwa wana wahashili.+
23 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Netanele mwanaZuwale.
24 Halikumbi lyamuchitatu, Elyave+ mwanaHelone, mwata wavana vaZevulune ahanyine wana wenyi.
25 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
26 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
27 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
28 Kaha ahanyine mwanapembe umwe kupwa wana wahashili.+
29 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Elyave+ mwanaHelone.
30 Halikumbi lyamuchiwana, Elizule+ mwanaSheteule, mwata wavana vaLuvene ahanyine wana wenyi.
31 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
32 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
33 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
34 Kaha ahanyine mwanapembe umwe kupwa wana wahashili.+
35 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Elizule+ mwanaSheteule.
36 Halikumbi lyamuchitanu, Shelumyele+ mwanaZulishatai, mwata wavana vaShimeyone ahanyine wana wenyi.
37 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
38 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
39 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
40 Kaha ahanyine mwanapembe umwe kupwa wana wahashili.+
41 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Shelumyele+ mwanaZulishatai.
42 Halikumbi lyakusokesa 6, Elyasafwe+ mwanaNduwele, mwata wavana vaNgate ahanyine wana wenyi.
43 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
44 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
45 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
46 Kaha ahanyine mwanapembe umwe kupwa wana wahashili.+
47 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Elyasafwe+ mwanaNduwele.
48 Halikumbi lyakusokesa 7, Elishama+ mwanaAmihute, mwata wavana vaEfwalime ahanyine wana wenyi.
49 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
50 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
51 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
52 Kaha ahanyine mwanapembe umwe kupwa wana wahashili.+
53 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Elishama+ mwanaAmihute.
54 Halikumbi lyakusokesa 8, Ngamalyele+ mwanaPetazule, mwata wavana vaManase ahanyine wana wenyi.
55 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
56 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
57 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
58 Kaha ahanyine mwanapembe umwe kupwa wana wahashili.+
59 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Ngamalyele+ mwanaPetazule.
60 Halikumbi lyakusokesa 9, Avitane+ mwanaNgiteyonyi, mwata+ wavana vaMbenjamine ahanyine wana wenyi.
61 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
62 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
63 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
64 Kaha ahanyine mwanapembe umwe kupwa wana wahashili.+
65 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Avitane+ mwanaNgiteyonyi.
66 Halikumbi lyakusokesa 10, Ahyezele+ mwanaAmishatai, mwata wavana vaNdane ahanyine wana wenyi.
67 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
68 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
69 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
70 Kaha ahanyine mwanapembe umwe kupwa wana wahashili.+
71 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Ahyezele+ mwanaAmishatai.
72 Halikumbi lyakusokesa 11, Pangiyele+ mwanaOkolane, mwata wavana vaAshele ahanyine wana wenyi.
73 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
74 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
75 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
76 Kaha ahanyine mwanapembe umwe kupwa wana wahashili.+
77 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Pangiyele+ mwanaOkolane.
78 Halikumbi lyakusokesa 12, Ahila+ mwanaEnane, mwata wavana vaNafwatale ahanyine wana wenyi.
79 Ahanyine lilonga lyapalata limwe lyakulema jishekele 130, nachiloso chapalata chimwe chakulema jishekele 70 kweseka nakulema chashekele yamuchihela chajila.+ Vyosena vivali vyazalile naunga wamwaza wakuchingasana namaji kupwa wana wamanona.+
80 Ahanyine nawa lupasa lwaulu lumwe lwakulema jishekele 10 lwakuzala navyuma vyalivumba lyamwaza,
81 nangombe wakuji umwe, nachizamba chamukoko umwe, namwanamukoko wachizamba wamwaka umwe kupwa wana wakulumba.+
82 Kaha ahanyine mwanapembe umwe kupwa wana wahashili.+
83 Ahanyine nawa vangombe vavali, navizamba jamikoko vatanu, navizamba javapembe vatanu, navana vamikoko vavizamba vatanu vamwaka umwe kupwa wana wakusolola kuunda.+ Ou ukiko wana ahanyine Ahila+ mwanaEnane.
84 Ou ukiko wapwile wana wakukunjikisa+ lijiko lyakulumbila halikumbi lize valiwavishile, uze wafumine kuli vamyata javaIsalele: malonga apalata 12, naviloso vyapalata 12, najipasa jaulu 12.+
85 Lilonga hililonga lyapalata lyalemene jishekele 130, kaha chiloso hichiloso chalemene jishekele 70. Palata yosena yamalonga naviloso yalemene jishekele 2,400 kweseka nakulema chashekele yamuchihela chajila.+
86 Jipasa jaulu jakuzala navyuma vyalivumba lyamwaza japwile 12. Kaha lupasa hilupasa lwaulu lwalemene jishekele 10, kweseka nakulema chashekele yamuchihela chajila. Ulu wosena wajipasa walemene jishekele 120.
87 Vangombe vawana wakulumba vosena vapwile 12, vizamba jamikoko vosena vapwile 12, vana vamikoko vavizamba vamwaka umwe vapwile 12. Vavahanyinyine kumwe nawana wamanona. Kaha vana vavapembe vawana wahashili vapwile 12.
88 Vangombe vawana wakusolola kuunda vosena vapwile vakuji 24, vizamba jamikoko vosena vapwile 60, vizamba javapembe vosena vapwile 60, vana vamikoko vavizamba vamwaka umwe vosena vapwile 60. Ou ukiko wapwile wana wakukunjikisa+ lijiko lyakulumbila omu valingile hivanaliwavisa lyehi.+
89 Omu Mose engililenga mumbalaka yakuliwanyina mangana akahanjike naKalunga,+ evwilenga lizu nalihanjika naikiye kufuminyina helu lyachifwiko+ chachikasha chaUnjiho, mukachi kavakeluve vavali.+ Kalunga ahanjikilenga nenyi.
Kwinyikila Chamwishi
^ Shekele yimwe yapwile jingalamu 11.4. Tala Chihande B14.
^ Chipwe “nge kutesa nashekele yajila.”
^ Chipwe “chiloso chachindende.”
